ހާސިލް ކުރަން ބޭނުން ހުރިހާ ކަމެއް ހާސިލް ކުރެވިއްޖެ ކަމަށާއި ދެން އޮތީ އެންމެ ކަމެއް ކަމަށް ބޮލީވުޑްގެ ކިލާޅީގެ ގޮތުގައި މަޝްހޫރު އެކްޓަރު އަކްޝޭ ކުމާރު ބުނެފިއެވެ.

އޭނާ ހަޔާތުގައި ބޭނުންވާ ހަމައެކަނި ކަމަކީ މިހާރު އަބަދުވެސް ކޮންމެ އުމުރެއްގައި ވެސް ދެގޮތެއް ނުވެ ފިޓް ކޮށް ހުރުން ކަމަށާއި އެ އެދުން ފުރިހަމަ ވުމުން ދެން ހަޔާތުގައި އިތުރު ކަމެއް ބޭނުން ނުވާކަމަށް އޭނާ ވަނީ ބުނެފައިއެވެ.

 

View this post on Instagram

 

A post shared by Akshay Kumar (@akshaykumar)

މިހާރު އުމުރުން 55އަހަރުގެ އެކްޓަރަކީ މިޙާރުވެސް ވަރަށް ފިޓް ކަމަށް ގިނަބަޔަކު އެއްބަސްވާ އެކްޓަރެކެވެ. އަދި އޭނާ އާއި މިޙާރުގެ ޒުވާން އެކްޓަރުންނާއި ފިޓް ކަމުގެ ރޮގުން އެއްވަރު އެކްޓަރެއް ކަަމަށާއި އެ އުމުރުގައިވެސް އަކްޝޭ އަކީ ފިޓްކޮށް ހުރުމަށް ވަރަށް ގިނަ މަސައްކަތް ކުރާ ތަރިއެއް ކަމަށް ދެބަސް ވާނެ މީހެއް ނުހުންނާނެވެ.

ހާއްސަކޮން އޭނާގެ ދިރިއުޅުން ރާވާއިލައިފައިވަނީ ވަރަށް ސުޅަހެޔޮ ދިރިއުޅުމަކަށް މަގުފަހިވާފަދަ ގޮތަކަށެވެ. އެގޮތުން އޭނާ އަކީ އަވަހަށް ނިދާ އަވަހަށް ހޭލުމަށް މަޝްހޫރު ތަރިއެކެވެ. އަދި ހަމަ އެހެންމެ އޭނާ އަކ ޕާޓީ ކޮށް ހަށީގަނޑަށް ގެއްލުންލިބޭފަދަ އަލްކަހޯލިކް އަދި ސިގިރޭޓާއި ދުރު ތަރިއެކެވެ.

 

View this post on Instagram

 

A post shared by Akshay Kumar (@akshaykumar)

މަސައްކަތަށް ބަލާއިރުގައި އަކްޝޭގެ 5 ފިލްމް އެއް މިއަހަރުވެސް ވަނީ ރިލީޒްވެފައިއެވެ. ނަމަވެސް ހުރިހާ ފިލްމް އެއްވެސްވީ ފްލޮޕްއެވެ. އަކްޝޭ ވަނީ "ބަޗަން ޕާންޑޭ" "ސަމްރާޓް ޕަރަތްވީރާޖް" "ރަކްޝާ ބަންދަން" " ކަޓްޕުތްލީ" އަދި "ރާމް ސެތޫ" އިން ފެނިގެން ގޮސްފައިއެވެ. ނަމަވެސް މީގެން އެއްވެސް ފިލްމް އަކަށް ސިނަމާގައި ޖާދޫ ދައްކައެއް ނުލެވުނެވެ.

އަންނަ އަހަރުވެސް އަކްޝޭގެ ފިލްމް ތަކެއް ރިލީޒް ވާން އެބަހުއްޓެވެ. އެގޮތުން "އޯ މައި ގޯޑް 2″ "ސެލްފީ" ތަމަޅަ ފިލްމް "ސުރާރީ ޕޮއްޓަރު" ގެ ރިމޭކް އާއި "ކެޕްސޫލް ގިލް" ފާހަގަ ކޮށްލެވެއެވެ. އަދި ހަމަ އެހެންމެ ސޮއި ކުރި ނަމަވެސް އަދި އިއުލާން ނުކުރާ ފިލްމް ތަކެއްވެސް އަދި އެބަހުއްޓެވެ.