ޓީވީ އިންޑަސްޓްރީގެ ދެ ތަރިން ކަމުގައިވާ އަޕޫރްވާ އަގްނިހޯތުރީ އާއި ޝިލްޕާ ސަކްލާނީގެ ކައިވެންޏަށް 18 އަހަރު ފަހުން ދަރިއަކު ލިބިއްޖެއެވެ.
އެމީހުންނަށަ ލިބިފައިވަނީ އަންހެން ކުއްޖެކެވެ.
ދެތަރިންގެ އިންސްޓަގަރާމްގައި ކުޑަ ދަރިފުޅާއި އެކުގައި ހިއްސާ ކުރި ވީޑީއޯ ކްލިޕެއްގައި ބުނެފައިވަނީ އެމީހުން ގެ އަލަތު ދަރިފުޅުގެ ނަމަކީ އިޝާނީ ކާނޫ އަގްނިހޯތުރީ ކަމަށެވެ.
ރިއަލިޓީ ޝޯތަކުންވެސް ފެނިގެންގޮސްފައިވާ އަޕޫރްވާ، 50، އާއި ޝިލްޕާ، 40، ކައިވެނިކުރީ 2004 ގައިއެވެ. އެމީހުން ބައިވެރިވި ބައެއް ޝޯ ތަކުގައި ދަރިއަކު ބޭނުންވެފައި ތިބި ވާހަކަ ދައްކާ އެކަމާއި ހިތާމަ ފާޅު ކުރުމާއި އުމުރު ފަހަނަ އަޅާކަމުުގައި ވަނީ މީގެ ކުރިން ބުނެފައެވެ.
"ޖެސީ ޖެއިސީ ކޮއީ ނެހީ" އާއި "އާސްމާން ސޭ އާގޭ" އަދި "މޭރީ ދުރުގާ" ފަދަ ޑްރާމާތަކުން ފެނިގެން ގޮސްފައިވާ އަޕުރްވާ އެންމެ ފަހުން ފެނިގެން ދިއައި މިހާރު ދައްކަމުން އަންނަ މަޝްހޫރު ޑްރާމާ "އަނުޕަމާ" އިން ޑރ. އަދުވައިތު ކަންނާގެ ރޯލުންނެވެ.
ވިލަން އެއްގެ ގޮތުގައި ޑްރާމާ ތަކުން ފެންނަ ޝިލްޕާގެ ޑްރާމާ ތަކުގެ ތެރޭގައި "ކިޔު ކީ ސާސް ބީ ކަބީ ބަހޫ ތީ" އާއި "ކުސުމް" އާއި "އޭކް ހަޒާރޯ މޭ މޭރީ ބެހެނާ ހޭ" ފަދަ ޑްރާމާތައް ފާހަގަ ކޮށްލެވެއެވެ. އެންމެ ފަހުން އޭނާ ފެނިގެންދިއައީ ކަލާޒްގެ "ވިޝް ޔާ އަމްރިތު: ސިތާރާ" އިންނެވެ.
ކޮމެންޓު ފޮނުވާ