ޢާންމުރައްޔިތުން ޢަމަލުކުރުމަށް ލާޒިމްވާ ގޮތަށް، ރައްޔިތުންގެ މަޖިލީހުން، ޤާނޫނުތައް ހަދަނީ ރައްޔިތުންނަށް ލުއިފަސޭހަކުރުމަށްކަމަށާ، އެއީ "ރައްޔިތުންނަށް ބަލާ މުޞީބާތް" ޖައްސަން ކުރާކަމެއް ނޫންކަމަށް ވިދާޅުވެ ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރު އިބްރާހީމް ރަޝީދު (ބޮންޑޭ) ސަރުކާރަށް ތާޢީދުކުރާ ރައްޔިތުންގެ މަޖިލީހުގެ މެމްބަރުންނަށް ފާޑު ވިދާޅުވެއްޖެއެވެ.
ބޮންޑޭ ކުރެއްވި ޓްވީޓެއްގައި ވިދާޅުވެފައިވަނީ އޭނާއާމެދު އެމްޑީޕީން ފިޔަވަޅު އެޅިޔަސް އަދި އޭނާ އެޕާޓީން ވަކިކުރިޔަސް މިފަދަ ރަޙުމްކުޑަ، ކަންކަން ފާސްކުރަން ވޯޓު ނުދެވޭނެކަމަށެވެ. ބޮންޑެ އެއިޝާރާތްކުރެއްވީ، ރާއްޖޭގައި އަލަށް އުފަންވާ ކުދިން އެކުދިން އުފަންވާތާ ހަތް ދުވަހުގެ ތެރޭގައި ރަޖިސްޓަރަި ނުކޮށްފި ނަމަ، 10،000 ރުފިޔާއިން ޖޫރިމަނާ ކުރުމަށް އެކުލަވާލި ބިލު ރައްޔިޔުންގެ މަޖިލީހުގެ އިއްޔެގެ ޖަލްސާއިން ފާސްކުރި ކުރުމަށެވެ. މިބިލަށް ބޮންޑޭ ވޯޓެއް ނުދެއްވައެވެ.
ފިޔަވަޅު އެެޅިޔަސް އަދި ޕާޓީން ވަކިކުރިޔަސް މިފަދަ ރަހުމްކުޑަ ބޮޑެތި ޖޫރިމަނާ ފާސްކުރަން ވޯޓެއް ނުދެވޭނެއެވެ.
. ގާނޫނު ހަދަނީ ލުއިފަސޭހަކުރާށެވެ . ރައްޔިތުންނަށް ބަލާ މުސީބާތް ޖައްސާކަށެއް ނޫނެވެ https://t.co/xzRxBnDCik— Ibrahim Rasheed (@BondeM4) November 28, 2022
އަލަށް އުފަންވާ ކުދިން 7 ދުވަހުގެ ތެރޭގައި ރަޖިސްޓަރަި ނުކޮށްފި ނަމަ، 10،000 ރުފިޔާއިން އިން ޖޫރިމަނާ ކުރުމަށް ކަނޑައަޅައި، ރައްޔިޔުންގެ 3ވަނަ ދައުރުގެ ފަހު ޖަލްސާއިން އިއްޔެ ފާސްކުރި ބިލަކީ، އުފަންވުމާއި މަރުވުން ރަޖިސްޓަރީ ކުރުމާއި އުފަންދުވަހުގެ ސެޓްފިކެޓާއި ދިވެހި ރައްޔިތެއްކަން އަންގައިދޭ ކާޑު ހެދުމާބެހޭ ބިލެވެ. މިބިލް މަޖިލީހަށް ހުށަހެޅީ ހެންވޭރު އުތުރު ދާއިރާގެ އެމްޑީޕީގެ މެމްބަރު އިބްރާހިމް މުއިއްޒެވެ.
