ބޮލީވުޑް ޒުވާން ތަރި ތާޕްސީ ޕަންނޫގެ ކުރިއަށް އޮތް ފިލްމު "ބްލާ" ގެ ފަސްޓް ލުކް ދައްކާލައިފިއެވެ.
އަންނަ ޑިސެމްބަރު މަހުގެ 9 ވަނަ ދުވަހު ޒީ5 އިން ރިލީޒް ކުރަން ނިންމާފައިވާ މި ފިލްމުގެ ފަސްޓް ލުކް ދައްކާލާފައި ވަނީ ތާޕްސީ އެވެ. އަޖޭ ބާލް ޑައިރެކްޓް ކުރާ މިފިލްމު ލިޔެފައިވަނީ އަޖޭ އާއި ޕަވާން ސޮނީއެވެ.
އަމިއްލަ ފިލްމު ކުންފުނި އައުޓްސައިޑާޒް ފިލްމްސް އިން ޕްރޮޑިއުސްކޮށް، ބަތަލާ ތާޕްސީ ކުޅޭ ތުރިލާ "ބްލާ" ގައި އޭނާ ކުޅެނީ ޑަބަލް ރޯލެއް ކަމަށް ރިޕޯޓްތައް ބުނެއެވެ. މިއީ ފިލްމެއްގައި ހުނަރުވެރި ބަތަލާ އެފަދަ ރޯލެއް ކުޅޭ ފުރަތަމަ ފަހަރެވެ.
މީގެ ބަތަލަކީ ގުލްޝަން ދެވިއާ އެވެ. ރިޕޯޓްތައް ބުނާ ގޮތުން ޒީ ސްޓޫޑިއޯސް އާއި އެކެލޯން ޕްރޮޑަކްޝަން ވެސް ހިއްސާވާ "ބްލާ" އަކީ ސްޕެއިންގެ ފިލްމު "ޖޫލިއާސް އައިޒް" އަސްލަކަށް ބަލައިގެން ހަދާ ފިލްމެކެވެ.
View this post on Instagram
ސައިކޮލޮޖިކަލް ތްރިލާއެއް ގޮތަށް ގެނެސްދޭ މި ފިލްމުގައި ކިޔައި ދޭނީ އަންހެނަކު އޭނާގެ އެއްމާބަނޑު ކޮއްކޮގެ މަރުގެ ހަޤީޤަތް ހޯދަން އުޅުމުމުގެ ތެރޭގައި އޭނާގެ ލޮލުގެ ފެނުން މަޑުމަޑުން ފުސްވަމުންދާ ގޮތާއި، އެ ދުވަސްތަކުގައި ހިނގާ ކަންތައްތަކެވެ.
There's always more than what meets the eye! #BlurrOnZEE5 premieres 9th December. #Blurr #ZEE5#GulshanDevaiah #AjayBahl #PawanSony @ZeeStudios_ #OutsidersFilms @echelonmumbai @itsvishal_rana @pranjalnk @ZEE5Global pic.twitter.com/1FpS7fjrPy
— taapsee pannu (@taapsee) November 23, 2022
ތާޕްސީ އެންމެ އަވަހަށް ފެންނާނީ ރާޖްކުމާރު ހިރާނީގެ ސޯޝަލް ޑްރާމެޑީ "ދުންކީ" އިންނެވެ. މިއީ ޝާހްރުކްޚާނާއެކު ތާޕްސީ ސްކްރީނުން ފެންނަ ފުރަތަމަ ފަހަރެވެ. މި ފިލްމު ރިލީޒް ކުރުމަށް ހަމަޖެހިފައިވަނީ އަންނަ އަހަރުގެ ޑިސެމްބަރު މަހު 22 ވަނަ ދުވަހުއެވެ.
