މަޝްހޫރު އެކްޓަރު އަމިތާބް ބަޗަން ގެ ކާފަ ދަރިފުޅު އަދި އެކްޓަރު އަބިޝޭކް ބަޗަން އާއި އައިޝްވާރްޔާ ރާއީގެ ހުރި ހަމަ އެކަނި ދަރިފުޅު އާރާދްޔާ މާ ޅަކޮށްގެން ގެންގުޅޭ ކަމަށް ބުނެ ސޯޝަލް މީޑިއާގައި އައިޝްވަރްޔާ އަށް މަލާމަތް ކޮށްފިއެވެ.

މަލާމަތްކުރާ މީހުން ބުނަނީ އުމުރުން 11 އަހަރުގެ އަރަދްޔާ ބަޗަން އައިޝްވާރިއާ ގެންގުޅެނީ "މާބޮޑަށް ޅަކޮށްގެން ރައްކާތެރިކޮށްގެން" ކަމަށެވެ. މިޔަށް ރައްދު ދީ އެއްބަޔަކު ބުނީ އެމީހެއްގެ ދަރިއަކު ގެންގުޅޭނެ ގޮތް އެނގޭނީ އެމީހަކަށް ކަމަށާއި 11 އަހަރު ވުމަކީ ކުއްޖަކު ބޮޑުވެ އަމިއްލައަށް ދޫކޮށްލަން ޖެހޭ އުމުރު ނޫން ކަމަށެވެ. އަދި މައެއްގެ ހައިސިއްޔަތުން ކޮންމެ މީހަކުވެސް އެމީހެއްގެ ދަރިން ވެވުނު ވަރަކުން ރައްކާތެރި ކުރާނެ ކަމަށް ބުނެފައިއެވެ.

 

View this post on Instagram

 

A post shared by Viral Bhayani (@viralbhayani)

ދަރިފުޅު އަތުގައި ހިފައިގެން އައިޝްވަރްޔާ ހޮނިހިރު ދުވަހު ދިޔައީ، ރިތޭޝް ދޭޝްމުކް އާއި ޖެނެލިއާގެ ފިރިހެން ދަރިފުޅުގެ އުފަން ދުވަހުގެ ޕާޓީއެވެ. އެކުއްޖާ އަތުހިފައިގެން ދިއުމުން ފާޑުކިޔާ މީހުން ބުނެފައިވަނީ ކޮންމެވެސް މިންވަރެއްގެ މިނިވަންކަމެއް އޭނާގެ ދަރިފުޅަށް މިހާރު ލިބެންޖެހޭނެކަމަށެވެ.

 

View this post on Instagram

 

A post shared by AishwaryaRaiBachchan (@aishwaryaraibachchan_arb)

އައިޝްވަރްޔާ އާންމުކޮން މީހުންގެ ތެރެއަށް އާރާދްޔާ އާއި އެކުގައި ނިކުމެ އުޅޭނީކަމުގައި ވާނަމަ އަބަދުވެސް ހުންނަނީ އެކުއްޖާ ވަރަށް ބޮޑަށް މީހުންނަށް ރައްކާތެރިކޮށްފައިއެވެ. އަދި ވީހާވެސް މީހުންނާއި ދުރުގައި ދަރިފުޅު ބަހައްޓަން ނުވަތަ އަތުގައި ހިފައިގެން އަދި ވަރަށް ބޮޑޫ ވަންދެން އުރައިގެން ވެސް އެކުއްޖާ އޭނާ ގެންގުޅުނެވެ.

 

View this post on Instagram

 

A post shared by AishwaryaRaiBachchan (@aishwaryaraibachchan_arb)

އައިޝްވާރިއާއަބީޝޭކް ކައިވެނި ކުރީ 2007 ވަނަ އަަހަރު ގައިއެވެ. އަދި އެމީހުންނަށް އާރްދްޔާ ލިބުނީ 2011 ވަނަ އަހަރުގައިއެވެ. އެދެމަފިރިން ވަނީ ދާދި ފަހުން އާރާދްޔާ ގެ 11 ވަނަ އުފަންދުވަސް ފާހަގަ ކޮށްފައިއެވެ.