ބޮލީވުޑްގެ ހުނަރުވެރި ޒުވާ އެކްޓަރު ވިކީ ކޯޝަލްގެ ކުރިއަށް އޮތް ފިލްމު "ގޯވިންދާ ނާމް މޭރާ" ޑިޒްނީ ޕްލަސް ހޮޓްސްޓާ އިން ޕްރީމިއާކުރާ ގޮތަށް ނިންމައި އެކަން އިއުލާންކޮށްފިއެވެ.
މި ފިލްމަކީ މި އަހަރުގެ ޖޫން 10 ގައި ސިނަމާތަކަށް ގެނެސްދޭން ކުރިން ޕްލޭންކުރި ފިލްމެކެވެ. ނަމަވެސް ބޮލީވުޑްގެ ނުފޫޒު ގަދަ ޕްރޮޑިއުސަރު ކަރަން ޖޯހަރުގެ ކުރިއަށް އޮތް ފިލްމް "ގޯވިންދާ ނާމް މޭރާ" ޑިޒްނީ ޕްލަސް ހޮޓްސްޓަރއަށް މިހާރު ވަނީ ވިއްކާލާފައެވެ. މި ފިލްމު ޑިޒްނީ ޕްލަސް ހޮޓްސްޓަރ އަށް ވިއްކާލާފައިވަނީ 62 ކްރޯޑް ރުޕީސްއަށެވެ.
އެހެންނަމަވެސް ފިލްމު ޕްރިމިއާ ކުރާނެ ތާރީހެއް އަދި ރަސްމީކޮށް ހާމައެއްނުކުރެ އެވެ. ފިލްމު ސްޓްރީމިން އަށް ދޫކޮށްލަން ނިންމިކަން އިއުލާންކުރީ ކަރަން އާއި ވިކީގެ ވީޑިއޯއަކުންނެވެ.
View this post on Instagram
މިދުވަސްވަރު ބޮޑު ސްކްރީނުގައި އަޅުވަން ރަނގަޅު ފިލްމެއް ނޫން ކަމަށް ބުނެ ވިކީ ކޯޝާލް، ކިއަރާ އަދުވާނީ އަދި ބޫމީ ޕަޑްނޭކަރް ލީޑުން ފެނިގެންދާ މި ފިލްމު އޮންލައިން ޕްލެޓްފޯމަކަށް ވިއްކާލާފައި ވާއިރު، ފިލްމް ގެ ޑިޖިޓަލް ރައިޓްސްގެ އަގަކީ 42 ކްރޯޑް ރުޕީސް އަދި ސެޓެލައިޓް ރައިޓްސްގެ އަގަކީ 20 ކްރޯޑް ރުޕީސްއެވެ.
މިއީ ޝަޝަންކް ކައިތާން ޑައިރެކްޓް ކޮށްފައިވާ ފިލްމެކެވެ.
