މިދިއަ ހުކުރު ދުވަހުގައި ރިލީޒް ކުރި ޖާންވީ ކަޕުރުގެ ފިލްމް "މިލީ" އަށް ބެލުންތެރިންގެ ފަރާތުން ފިނި ތަރުހީބެއް ލިބިއްޖެއެވެ.
އުންމީދު ކުރ ގޮތާއި ހިލާފަށް މި ފިލްމް ބަލަން ވަންނާނެ މީހަކު ނުވިއެވެ. ގިނަ އިވެންޓް ތަކާއި ތަފާތު ޓީވީ ޕްރޮގްރާމްތަކުގައި ބައިވެރިވެ ވަރަށް ގަދައަށް ޕްރޮމޯޓް ކުރި ފިލްްމް އަށް ފުރަތަމަ ދުވަހުވެސް ވަންނާނެ މީހަކު ނުވިއެވެ.
ޖާންވީ ގެ "މިލީ"ގެ އިތުރުން ހުކުރު ދުވަހުގައި ވަނީ އިތުރު ދެ ފިލްމްއެއް ރިލީޒް ކޮށްފައިއެވެ. އެއީ ސޮނާކްޝީ ސިންހާ އާއި ހުމާ ގުރައިޝީ އެކުގައި ފެނިގެންދާ ފިލްމް "ޑަބަލް އެކްސްއެލް" އާއި ކެޓްރީނާ ކައިފް ގެ "ފޯން ބޫތް"އެވެ. މި ދެ ފިލްްމްގެ ފެށުންވެސް ރަނގަޅެއް ނޫނެވެ.
View this post on Instagram
މި ފިލްމަކީ މަލަޔާލަމް ފިލްމު "ހެލަން"ގެ ހިންދީ ރިމޭކެކެވެ. "ހެލަން" ގައި ޖާންވީ ކުޅޭ ކެރެކްޓާގެ ނަމަކީ މިލީއެވެ. ކެނެޑާގައި ހިނގާ ކަންތައްތަކެއް ހިމެނޭ ވާހަކައަކަށް ބިނާކޮށް މިފިލްމު ހެދިނަމަވެސް އިންޑިއާގައި މުޅި ފިލްމު ޝޫޓްކުރަން ނިންމީ ކޯވިޑް-19ގެ ސަބަބުން ގައުމު ތަކަށް ދަތުރު ކުރުމަށް ކުރިމަތިވެފައިވާ ދަތިތަކުގެ ސަބަބުންނެވެ.
މި ފިލްމް ޕޮރޮޑިއުސް ކުރަނީ ޖާންވީގެ ބައްޕަ ބޯނީ ކަޕޫރާއި ޒީ ސްޓޫޑިއޯ އިންނެވެ. ފިލްމް ޑަަަައިރެކްޓް ކުރާނީ އޮރިޖިނަލް ފިލްމްވެސް ޑައިރެކްޓް ކުރި މަތުކުއްޓީ ޒަވިއާއެވެ.
މި ފިލްމުގައި ޖާންވީއާއެކު ފެންނާނީ ސަނީ ކޯޝަލް އާއި މަނޯޖް ޕައްވާ އެވެ. މިއީ ޖާންވީ، އެނާގެ ބައްޕައާ އެކު މަސައްކަތްކުރާ ފުރަތަމަ ފިލްމެވެ.
