އައްޑޫ ސިޓިގައި މިސަރުކާރުން ހިންގާ މަޝްރޫޢުތައް ގިނަކަމުން، ރައީސްޔާމީން އައްޑޫޢަށް ވާނެ ވަޢުދެއް ނެތްކަމަށާއި، އައްޑޫގެ ތަރައްޤީފެނި އެމަނިކުފާނު ބަސް ހުއްޓިއްޖެކަމަށް އައްޑޫ ފޭދޫ ދާއިރާގެ އެމްޑީޕީ މެންބަރު މުޙައްމަދު ނިހާދު ވިދާޅުވެއްޖެއެވެ. ނިހާދު މިހެން މި ވިދާޅުވީ ރިޔާސީ އިންތިޚާބުގެ ކެމްޕެއިނަށް ރައީސް ޔާމީން ކުރައްވާ ދަތުރުފުޅުގެ ތެރެއިން އައްޑޫ ސިޓީއަށް ވަޑައިގެންފައިވާތީއެވެ. ރައީސް ޔާމީން އައްޑޫ ސިޓީއަށް ވަޑައިގަތުމުން ވަރަށް ގިނަ ޢަދަދެއްގެ ރައްޔިތުން ނިކުމެ ވަނީ ރައީސް ޔާމީނަށް މަރުޙަބާ ދަންނަވާފައެވެ.
ރައީސް ޔާމީނާއި އިދިކޮޅު ޕީޕީއެމް ޕީއެންސީއަށް ފާޑުވިދާޅުވެ އައްޑޫ ފޭދޫ ދާއިރާގެ މެންބަރު ނިހާދު ވިދާޅުވީ، ޕީޕީއެމް/ޕީއެންސީގެ ޓީމްގެ މެންބަރުންގެ ދުލުން އަބަދުވެސް އިވެމުންދިޔައީ " ހާދަ ކަމެއް އެބަކުރޭ"ކަމަށާއި، އަދި މުޅި އައްޑޫ ސިޓީގައި މަގުހަދައި، އިންޖީނުގެ އައު އޮފީހާއި ސްކޫލާއި މިސްކިތް އަޅަމުން އަންނަކަމުގެ ވާހަކަކަމަށެވެ.
ލިސްޓް ދިގޭ! ޔާމީން ޢަބްދުލްޤައްޔޫމްވެސް ހުރީ ކޮސްވެ ބަސް ހުއްޓިފަ، ދެން ވާނެ ވައުދަކާއި މެދުވެސް ވިސްނަން.
– ނިހާދު ވިދާޅުވިއެވެ.
PPM/PNC team ge Memberun ge dhulun abadhuves ivemun dhiyaiee “Haadha kameh Eba kureyey” Mulhi Addu city miothee konhefa Ey magu hadhan! Engine ge aai Office aai School aai Miskih alhanee Ey! List dhigey! YAG Ves huree kossve bas huttifa, dhen vaane vaudhakaai medhu visnan 😂😂😂
— Feydhoo Meehaa (Mohamed Nihad) (@nihad_m) November 7, 2022
ނިހާދު މިހެން ވިދާޅުވެފައިވާއިރު، އައްޑޫގައި ސަރުކާރުން ހިންގާ ބައެއް މަޝްރޫޢުތަކުގެ ފެންވަރު ދަށްވުމުގެ ޝަކުވާއާއި ކަންބޮޑުވުން ނިހާދުވެސް ވަނީ ފާޅުކުރައްވާފައެވެ. އަދި ބައެއް މަޝްރޫޢުަތއް ފެށުން ލަސްވާތީ ރައްޔިތުންވެސް ވަނީ ކަންބޮޑުވުން ފާޅުކޮށްފައެވެ.
ރައީސް ޔާމީން އައްޑޫއަށް ކުރައްވާ ދަތުރުފުޅުގައި ވަނީ އައްޑޫ ތަރައްގީ ކުރުމަށް އިތުރު ފުރުސަތެއް ލިބިއްޖެނަމަ ފުރަތަމަ އަހަރުގެ ތެރޭގައި 5000އަށް ވުރެ ގިނަ ވަޒީފާގެ ފުރުޞަތު ފަހިކުރައްވާނެކަމަށެވެ. އަދި އިތުރަށް ތަރައްޤީކުރައްވާނެކަމަށްވެސް ރައީސް ޔާމީން ވިދާޅުވެފައިވެއެވެ.
ކޮމެންޓު ފޮނުވާ