5 އަހަރުގެ ދިގުމުއްދަތެއްގެ ބްރޭކް އަކަށް ފަހު ބޮލީވުޑްގެ ބަތަލާ ޖެނީލިއާ ދޭޝްމުކް ބޮޑު ސްކްރީނަށް އަންނަ ފިލްމުގެ ފަސްޓް ލުކް ބެލުންތެރިންނަށް ދައްކާލައިފިއެވެ.
މި ފިލްމަކީ ރިތޭޝް ދޭޝްމުކް ޑައިރެކްޓުކުރާ ފުރަތަމަ ފިލްމެވެ. އަދި ފިލްްމުގެ ލީޑުން ވެސް ފެނިގެންދާނީ ޖެނީލިއާ އާއި ރިތޭޝްއެވެ. މި ފިލްމް ގެ ނަމަކީ "ވޭދް"އެވެ.
ޖެނީލިއާ ސޯޝަލް މީޑީއާގައި ހިއްސާ ކުރި ޕޯސްޓަރު ތަކުގައި މި ފިލްމުން ދެމީހުން ވެސް ފެނިގެންދާނެ ގޮތް ވަނީ ދައްކާލައިފައެވެ. ފިލްމަކީ އޭނާ ކުޅޭ ފުރަތަމަ މަރާޓީ ފިލްމު ވެސް މެއެވެ.
माझा जन्म महाराष्ट्रातलाच.मी अभिनयाला सुरवात केल्यानंतर हिंदी-तमिळ-तेलगू अशा विविध भाषांमधून चित्रपट केले.तिथे रसिक प्रेक्षकांचं उदंड प्रेम मला मिळालं. रितेशच्या पहिल्या दिग्दर्शनाद्वारे मी मराठीत चित्रपटात पदार्पण करतेय. मराठीत काम करतांना मला एक वर्तूळ पूर्ण झाल्यासारखं वाटतंय. pic.twitter.com/bT4bGA4VuE
— Genelia Deshmukh (@geneliad) October 26, 2022
އުމުރުން 35 އަހަރުގެ ޖެނީލިއާ އަކީ ހިންދީ، ތަމަޅަ އަދި ތެލުގޫ ފިލްމުތައް ވެސް ކުޅެފައިވާ ތަރިއެކެވެ. މި ފިލްމު ސިނަމާތަކަށް ގެންނާނީ އަންނަ ޑިސެމްބަރު މަހުގެ 30 ވަނަ ދުވަހުއެވެ. މި ދެމަފިރިން މީގެ ކުރިން ވެސް އެކީގައި ފިލްމުތަކެއް ކުޅެފައިވެއެވެ. އޭގެ ތެރޭގައި 2012 ގެ "ތެރެ ނާލް ލަވް ހޯގަޔާ" އާއި 2003 ގެ "ތުޖޭ މޭރީ ކަސަމް" ހިމެނެ އެވެ.
ޕާކާ ގަލަމުގެ އިޝްތިހާރަކުން އަމީތާބް ބައްޗަން އާއެކު ފުރަތަމަ ފެނުނު ޖެނީލިއާ އެންމެ ފުރަތަމަ ކުޅުނު ހިންދީ ފިލްމަކީ 2003 ވަނަ އަހަރު ދެއްކި "ތުޖެ މޭރީ ކަސަމް" އެވެ.
ރިތޭޝް އެންމެ ފަހުން ފެނިގެން ގޮސްފައިވަނީ ނެޓްފްލިކްސް އިން މިދިއަ ސެޕްޓެމްބަރު މަހު ޕްރިމިއާ ކުރި ފިލްްމު "ޕްލޭން އޭ ޕްލޭން ބީ" އިންނެވެ. މި ފިލްމުގައި އޭނާ އާއެކުގައި ފެނިގެންދިޔައީ ތަމަންނާ ބާޓިއާއެވެ.
