އިންޑިއާގައި ފާހަގަ ކުރާ ދިވާލީ ފެސްޓިވަލާއި ދިމާކޮށް ރިލީޒް ކުރި، އަކްޝޭ ކުމާރުގެ މިއަހަރުގެ 5 ވަަނަ ފިލްމަކީ ވަރަށް ކާމިޔާބު ފިލްމެއް ކަމަށް ޚަބަރުތައް ބުނެފިއެވެ.
ރަނގަޅު ފެށުމެއް ލިބުނު މި ފިލްމު ރިލީޒް ކޮށްފައިވަނީ އިންޑިއާއަށް ބޮޑު އީދަކާއި ދިމާކޮށެވެ. މީގެ ކުރިން މިއަހަރު ނެރުނު އަކްޝޭގެ 4 ފިލްމު ގައިވެސް ޖެހުނީ ފްލޮޕް ބޯޑު އަޅުވާށެވެ.
"ރާމް ސެތޫ" އާއި، އަޖޭ ދޭވްގަންގެ ކޮމެޑީ ފިލްްމު "ތޭންކް ގޯޑް" ފުށޫއެރި ނަމަވެސް ދެ ފިލްމަށް ވެސް ބެލުންތެރިންގެ ސަޕޯޓް ލިބެމުން އަންނަ ކަމަށް ޚަބަރުތައް ބުނެއެވެ.
"ރާމް ސެތޫ" ގައި އަކްޝޭ ފެނިގެންދަނީ އާކިއޮލޮޖިސްޓެއްގެ ގޮތުގައެވެ. އަކްޝޭ އާއެކު މި ފިލްމުގައި ދެ ބަތަލާއަކު ފެނިގެންދާނެއެވެ. އެއީ ޖެކޮލިން ފެނާންޑޭޒް އާއި ނުޝްރަތު ބަރޫޗާއެވެ.
މި އެކްޝަން-އެޑްވެންޗަރ ފިލްމަކީ އަބީޝެކް ޝަރުމާ ޑައިރެކްޓްކޮށްފައިވާ ފިލްމެކެވެ. އޭނާ އެންމެ ފަހުން ބެލުންތެރިންނަށް ގެނެސްދިން ފިލްމަކީ 2020ގެ "ސޫރަޖް ޕޭ މަންގަލް ބާރީ" އެވެ.
View this post on Instagram
"ރާމް ސެތޫ"ގެ ކުރިން އެންމެ ފަހުން ރިލީޒްކުރި އަކްޝޭގެ ފިލްމަކީ ޑިޒްނީ ޕްލަސް ހޮޓްސްޓާ އިން މިދިޔަ މަހުގެ 2 ގައި ޕްރީމިއާކުރި "ކަޓްޕުތުލީ" އެވެ. މި އަހަރު ރިލީޒްވި އަކްޝޭގެ އިތުރު ފިލްމުތަކަކީ "ބައްޗަން ޕާންޑޭ" އާއި "ސަމްރާޓް ޕްރިތުވީރާޖް" ގެ އިތުރުން "ރަކްޝާބަންދަން" އެވެ.
