މަނީ ލޯންޑަރިންގް މައްސަލަތަކާ ގުޅިގެން ބޮލީވުޑްގެ ތަރި ޖެކޮލިން ފެރްނާންޑޭޒްގެ އެކްޓިންގ ކެރިއަރަށް ވަނީ ވަރަށް ބޮޑަށް އަސަރު ކޮށްފައެވެ.
މި ކަންތައްގަނޑާ ހެދި އޭނާ އަށް ކުޅޭނެ ފިލްމެއް ނުލިބި ކެރިއަރު މިހާރު އޮތީ އެއްކޮށް ހެން ނިމިފައެވެ. އަދި ވެސް އަންނަނީ މި މައްސަލަ ތަހުގީގު ކުރަމުންނެވެ. ދޭތެރެ ދޭތެއިން އޭނާ ހާޒިރުކޮށް ސުވާލު ކުރުމާއި އިންޑިއާއިން ބޭރަށް ނުދެވޭ ގޮތަށް ޕާސްޕޯޓް ވެސް ވަނީ ހިފަހައްޓާފައެވެ.
އަދި ދޭތެރެއަކުން މި މަސައްލައާ ގުޅޭ ތަފާތު އައު މައުލޫމާތު ނޫސްވެރިން އަންނަނީ ހާމަކުރަމުންނެވެ. އެގޮތުން އެންމެ ފަހުގެ އަޕްޑޭޓަށް ބަލާލާއިރު ޖެކޮލިން، ހެކި ނައްތާލައި އިންޑިއާ ދޫކޮށް ފިލަން އުޅުނު ކަމަށް އެ ގައުމުގެ އެންފޯސްމަންޓް ޑިރޮކްޓަރޭޓް (އީޑީ) އިން ކޯޓުގައި މިވަނީ ބުނެފައެވެ.
Was Jacqueline Fernandez dating conman Sukesh Chandrasekhar? New photo reignites controversy https://t.co/nmGCmN79lY pic.twitter.com/AtW7aI9TvY
— Online Dating (@HiiiFren) November 26, 2021
ތުހުމަތުތަކާ ގުޅޭ ގޮތުން ނިއު ދިއްލީ ކޯޓްގައި އޮތް އަޑު އެހުމެއްގައި އީޑީން ބުނީ ޖެކޮލިން ފިލަން އުޅެ، ހެކި ނައްތާލަން ވެސް މަސައްކަތްކޮށްފައިވާ ކަމަށެވެ. އެގޮތުން އޭނގެ ފޯނުން ހެކި ނައްތައުލަން މަސައްކަތްކޮށް، ތަހުގީގަށް ޖެކޮލިން އެއްބާރުލުން އެކަށީގެންވާ ވަރަށް ނުލިބޭ ކަމަށް އީޑީން ތަކުރާރުކޮށް ބުންޏެވެ. އީޑީން ބުނި ގޮތުގައި އޭނަގެ ޕާސްޕޯޓް ވެސް ހިފަހައްޓަން ޖެހުނީ ތަހުގީގުން ރެކުމަށްޓަކައި ފިލަން މަސައްކަތްކޮށްފައި ވާތީއެވެ.
ސްރީ ލަންކާއަށް އުފަން ޖެކޮލިންއަށް މަނީލޯންޑަރިންގެ ތުހުމަތު ކުރަނީ އޭނާ ލޯބީގެ ގުޅުމެއް ބޭއްވި، ސުކޭޝް ޗަންދުރަޝޭކަރު އަޑީގައި ހުރެގެން ހިންގި ކަމަށް ބުނާ 200 ކްރޯޑް ރުޕީސްގެ މައްސަލައެއްގައި އޭނާ ވެސް ޝާމިލުވާ ކަމަށް ބުނެއެވެ.
އީޑީން ޖެކޮލިނަށް އެފަދަ ތުހުމަތުތަކެއް ކުރިޔަސް އޭނާގެ ގާނޫނީ ވަކީލު އެ ތުހުމަތުތައް ދޮގުކުރެއެވެ. ވަކީލުން ވަނީ ޖެކޮލިންގެ ފަރާތުން ފުރިހަމަ އެއްބާރުލުން ދޭކަމަށް ބުނެ އޭނާ ދިފާއު ކޮށްފައެވެ.
View this post on Instagram
މި އަހަރުގެ މިހާތަނަށް ތިން ފިލްމަކުން ފެނިފައިވާ ޖެކޮލިންގެ ކުރިއަށް އޮތް ފިލްމަކީ މި މަހުގެ 25 ގައި ރިލީޒްކުރާ އަކްޝޭ ކުމާރުގެ "ރާމް ސެތޫ" އެވެ.
