ކާމިޔާބު ފްރެންޗައިޒް ފިލްމު "ހައުސްފުލް" ގެ 5 ވަނަ ބައިގެ މަސައްކަތް ފަށަން ތައްޔާރުވެފައި ވާއިރު މި ފިލްމްގެ ކާސްޓްއަކީ ވަރަށް ބައިބޮޑު ކާސްޓަކަށް ވާނެކަމަށް ޚަބަރުތައް ބުނެފިއެވެ.
ޕްރޮޑިއުސަރު ސާޖިދު ނަދިއަދުވާލާ ގެނެސްދިން "ހައުސްފުލް" ފްރެންޗައިޒްގެ 4 ވަނަ ފިލްމްއަކީ ބޮކްސް އޮފީހުގައި ވަރަށް ކާމިޔާބު ފިލްމްއެކެވެ.
މި ފިލްމްގައި މީގެ ކުރިން ގެނެސްދިން ހުރިހާ ފިލްމްއެއްގައި ފެނިގެންދިއަ ތަރިން ފެނިގެންދާނެ ކަމަށް ފަހުގެ ހަބަރުތަށް ބުނެއެވެ.
"ހައުސްފުލް" ގެ ކޮންމެ ފިލްމެއްގައި އަކްޝޭ ކުމާރާއި ރިތޭޝް ދޭޝްމުކް ހިމެނުނު ނަމަވެސް، ކޮންމެ ފަހަރަކު ވެސް ފިލްމުގެ ލީޑް ކާސްޓަށް ބޮޑު ބަދަލެއް އާދެ އެވެ. ހަތަރު ވަނަ ބައިން ފެނިގެން ދިޔަ ތަރިންގެ ތެރޭގައި ބޮބީ ޑިއޯލް އާއި ކްރިތީ ސެނަން އާއި ކްރިތީ ކަރްބަންދާގެ އިތުރުން ޕޫޖާ ހެގްޅޭ އެވެ.
މި ފިލްމުގެ މަސައްކަތް އަންނަ އަހަރު ފަހު ކޮޅު ފަށަން ހަމަޖައްސާފައިވާއިރު، މީގެ މަސައްކަތަށް ތައްޔާރުވާތާ ދުވަސްގަނޑެއް ވެއްޖެއެވެ. މިހާރު ކުރިއަށްދަނީ ފިލްމުގެ ސްކްރިޕްޓާއި، ކާސްޓު ފައިނަލް ކުރުމުގެ މަސައްކަތެވެ.
"ހައުސްފުލް" ފްރެންޗައިސްގެ ފުރަތަމަ ފިލްމު ނެރުނީ 2010 ގަ އެވެ. މި ފިލްމަށް ބޮކްސް އޮފީހުގައި ރަނގަޅު ކާމިޔާބީއެއް ލިބިފައިވެ އެވެ.
