ހދ. ނެއްލައިދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ މަސައްކަތުގެ އެންމެފަހުގެ އަޕްޑޭޓެއް އެމްޓީސީސީން ދީފިއެވެ.
އެމްޓީސީސީން މިއަދު ބުނެފައިވަނީ ހދ. ނެއްލައިދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ މަސައްކަތަށް ބޭނުންވާ ބޮޑުހިލައިގެ އެންމެ ފަހު ޝިޕްމަންޓް މިހާރު ވަނީ ޕްރޮޖެކްޓް ސައިޓަށް ގެންދެވިފައިކަމަށެވެ. އަދި، ރިވެޓްމެންޓް ޖެހުމުގެ މަސައްކަތް މިހާރު ވަނީ 66 އިންސައްތަ ނިމިފައެވެ.
ނެއްލައިދޫ ގޮނޑުދޮށް ޙިމާޔަތްކުރުމުގެ މަޝްރޫޢުގެ މަސައްކަތުގެ ދަށުން 870 މީޓަރުގެ ސަރަހައްދެއްގައި ބޮޑު ހިލައިގެ ރިވެޓްމެންޓް ޖެހުމުގެ މަސައްކަތް ކުރިއަށްދާނެއެވެ. މި މަޝްރޫޢަކީ 19.8 މިލިއަން ރުފިޔާގެ މަޝްރޫޢެކެވެ.
Final shipment of rock boulders required for Hdh. Nellaidhoo Shore Protection project has been delivered to the project site on 25th Sptember 2022. Revetment building works are currently ongoing at the site, with 66% completion.#MTCCProjects #RayyithungeKunfuni pic.twitter.com/F7kiLu3N74
— MTCC Plc (@MTCCPlc) September 25, 2022
ނެއްލައިދޫ ގޮނޑުދޮށް ޙިމާޔަތްކުރުމުގެ މަސައްކަތް އެމް.ޓީ.ސީ.ސީން ކުރަމުންދާއިރު، މިއަހަރުގެ ތެރޭގައި އެރަށު ބަނދަރު ފުންކޮށް ތަރައްޤީކުރުމުގެ މަސައްކަތްވެސް އެކުންފުނިން އެއްކޮށް ނިންމާފައެވެ. ނެއްލައިދޫއަކީ ގާމަތީ ރަށަކަށްވުމުން ލަފާފުރުމުގެ ދަތިކަމަކީ އެރަށުގެ ރައްޔިތުންނަށް ޒަމާނުންސުރެ ކުރިމަތިވެފައި އޮތް ބޮޑުމައްސަލައެކެވެ.
ނެއްލައިދޫއަކީ އާމްދަނީ ހޯދުމުގެ ގޮތުން އިމާރާތްކުރުމާއި ފަތުރުވެރިކަން އަދި މަސްވެރިކަން ފުޅާ ދާއިރާއެއްގައި ކުރަމުން އަންނަ ރަށެކެވެ. އެރަށުގައި މަސްވެރިކަމަށް 60 އަށްވުރެ ގިނަ އުޅަނދު އޮވެއެވެ.
ކޮމެންޓު ފޮނުވާ