2020 ވަނަ އަހަރުގައި ރިލީޒް ކުރި ކާތިކް އާރިޔާން ގެ ފިލްމް "ލަވް އާޖްކަލް" ގެ ބަތަލާ ސާރާ އަލީ ހާން އާއި ރުޅިވި ފަހުން އޭނާ ހުރީ ހުސްހަށިބަޔަށް ކަމަށް އޭނާ ބުނެފިއެވެ.
މިހާރު ބޮލީވުޑްގެ އެންމެ ޑިމާންޑް ބޮޑު ޒުވާން އެކްޓަރަކީ އަންހެން ކުދިންގެ ބޮޑޫ ފޭންބޭސް އެއް އޮތް ތަރިއެކެވެ. އޭނާ ބަލައިލުމަށް އެގޭ ދޮށަށް އެއްވާ ޒުވާން ކުދިންނާއި ސޯޝަލް މީޑިއާގައި އޭނާއަށް މަރުދޭ ކިތަންމެ ކުދިންނެއް އެބަ ތިއްބެއެވެ.
ސާރާ އާއި ލޯބީގެ ގޮތުން ގުޅިގެން ދެއަހަރެއްހައި ދުވަސް ވަންދެން އޭނާ އުޅުން ކަމުގައިވިޔަސް މިހާރު ވަނީ އެ ގުޅުން ނިމިފައިއެވެ. އަދި މިކަން. ވަނީ މިހާރު ކުރިއަށްދާ "ކޮފީ ވިތް ކަރަން" ގައި ޑައިރެކްޓަރު ކަރަން ޖޯހަރު ޔަގީން ކޮށްދީފައިއެވެ.
އަނެއް ކޮޅުން މަޖައްލާ އަކަށް ދިން އިންޓަވިއުއެއްގައި ކާތިކްވެސް ބުނެފައިވަނި މިހާރު ސިންގަލް ކަމަށެވެ. އެހެންވެ އޭނާ ސާރާ އާއި ލޯބީގެ ގޮތުން ގުޅުން ކަން އެއީ ކަށަވަރު ކަމެއް ކަމަށް ހަބަރުތަށް ބުނެއެވެ. އަދި ހަމަ އެހެންމެ މާގިނަ ދުވަހެއް ނުވަނީ އެގުޅުން ނިމުން ކަމުގައިވިޔަސް އަދިވެސް ކާތިކް ގެ ހިތުގައި ސާރާ އަށް އަދިވެސް ލޯބީ އޮތް ކަމަށްވެސް ހަބަރުތަށް އަންނަނީ ބުނަމުނެނެވެ.
ސާރާ އަކީ ކުރީގެ މަޝްހޫރު ބަތަލާ އަމްރިތާ ސިންގް އާއ އެކްޓަރު ސައިފް އަލީ ހާންގެ ދޮށީ އަދި ހަމައެކަނި ހުރި އަންހެން ދަރިފުޅުއެވެ. ސާރާ ނިސްބަތް ވަނީ ބޮލީވުޑްގެ މަޝްހޫރު އާއިލާ އަކަށެވެ.
އަނެއްކޮޅުން ކާތިކް އަކީ ބޮލީވުޑް އާއި ދުރު ދުރަށް ދަންދެންވެސް އާއިލީ ގުޅުމެއް އޮތް ތަރިއެއް ނޫނެވެ. ބޮލީވުޑްގައި އޭނާ ފައިތިލަ ސާބިތު ކުރީ އަމިއްލަ ބުރަ މަސައްކަތުންނެވެ.
ކާތިކްގެ ޑިމާންޑް މިހާރު ވަނީ ވަރަށް ބޮޑުވެފައިއެވެ. އެއީ މިއަހަރު ރިލީޒް ކުރި އެންމެ ކާމިޔާބު އެއް ފިލްމް ކަމުގައިވާ "ބޫލް ބުލައްޔާ2″ ގެ ސަބަބުންނެވެ. އޭނާގެ ކުރިއަށް އޮތް ފިލްްމް އަކީ "ފްރެޑީ"އެވެ.
