ސްޓާޕްލަސް އިން ދައްކަމުން އަންނަ އެންމެ މަޤުބޫލު އެއް ޝޯ ކަމުގައިވާ "އިމްލީ" ގެ ލީޑު ދެ ތަރިން ޝޯ އިން ވަކިވެއްޖެއެވެ.
މީގެ ދެ ހަފްތާއެއްހާ ދުވަސް ކުރިން އެމީހުން ޝޯ އިން ވަކިވާން އުޅޭކަމުގެ އަޑުތަށް އައީ ވަރަށް ގަދަ ވަމުންނެވެ. މި ދެމީހުން ޝޯ އިން ވަކިވިކަން ވީޑިއޯއެއް މެދުވެރިކޮށް ވަނީ އިއުލާން ކޮށްފައެވެ.
އާއްމުކޮށްފައިވާ ވީޑިއޯގައި ޑްރާމާގެ ލީޑު ފިރިހެން ތަރި ފަހްމާން ޚާން ބުނެފައިވަނީ އޭނާގެ ފޭނުންނަށް ހަޤީޤަތް އެނގުން އެއީ ހައްޤުމިންވަރެއް ކަމަށާ މީސް މީޑިއާގައި ފެތުރެމުންދާ އަޑުތަކަކީ ސައްހަ އަޑުތަކެއް ކަމަށެވެ. އަދި ޝޯ ދޫކޮށްލަން ނިންމީ ޑްރާމާގެ ޕްރޮޑިއުސަރުން ބޮޑު ލީޕެއް ގެންނަން އުޅޭތީ ކަމަށް ވަނީ ބުނެފައެވެ.
"އިމްލީ"ގެ ރޯލު ކުޅޭ ސުމްބުލް ތައުގީރާއި އަރްޔާންގެ ރޯލުގައި އުޅޭ ފަހްމާން ޚާންގެ އޮންސްކްރީން ކެމިސްޓްރީ ގިނަ ބަޔަކަށް ވަނީ ވަރަށް ކަމުގޮސްފައެވެ. އެއާއެކުގައި އިމްލީ އަކީ އިންޑިއާގެ އެންމެ ގިނަބަޔަކު ބަލާ އެއް ޑްރާމާއެވެ. މީގެ އިތުރުން "އިމްލީ" ޑްރާމާ އަކީ ދިވެހިންގެ މެދުގައިވެސް ވަރަށް މަގުބޫލު ޑްރާމާއެކެވެ.
ކޮމެންޓު ފޮނުވާ