މިމަހުގެ 20 ވަނަ ދުވަހު ބޮލީވުޑް ބަތަލާ ސޯނަމް ކަޕޫރަށް އަލަތު ދަރިފުޅު ލިބިފައި ވާއިރު، މިހާރު އެދެމައިން ވެސް ވަނީ ގެޔަށް ފޮނުވާލައިފައެވެ.

މިއީ މަޝްހޫރު އެކްޓަރު އަނިލް ކަޕޫރުގެ ފުރަތަމަ ކާފަ ދަރަފުޅަށް ވީއިރު ސޯނަމަށް ލިބުނީ ފިރިހެން ކުއްޖެކެވެ. އެކުއްޖާއަށް މަރުހަބާ ކިއުމުގެ ގޮތުން ގޭތެރެ ވަނީ ޒީނަތްތެރި ކޮށްފައެވެ.

އެކުއްޖާއަށް ލޯބިން އެ އާއިލާއިން ސިމްބާ ކިޔާކަން ސޯނަމްގެ ކޮއްކޮ، ސްޓައިލިސްޓް ރިއާ ކަޕުރޫ ކުރި ޕޯސްޓެއްގައި ވަނީ ހާމަކޮށްފައެވެ. އަދި ކުއްޖާއަށް މަރުހަބާ ކިއުމަށް ގޭތެރެ ޒީނަތްތެރި ކޮށްފައިވާ ގޮތުގެ ބައެއް ފޮޓޯ ވެސް ރިއާ ވަނީ ހިއްސާ ކޮށްފައެވެ.

ސޯނަމް ކަޕޫރާއި އާނަންދު އަހޫޖާ ކައިވެނި ކޮށްފައިވަނީ 2018 ވަނަ އަހަރުގެ މެއި މަހުގެ 8 ވަނަ ދުވަހުއެވެ. ވަރަށް ކުލަ ގަދަކޮށް ކުރެވިގެންދިޔަ މި ކައިވެނީގައި ގިނަ ބަޔަކު ވަނީ ބައިވެރިވެފައެވެ.

މި މަހުގެ 20 ވަނަ ދުވަހު އާނަންދު އަހޫޖާ އިންސްޓަގުރާމުގައި ކޮށްފައިވާ ޕޯސްޓެއްގައި އެ ދެމަފިިރިންނަށް ފިރިހެން ދަރިއަކު ލިބުނު ކަމަށް ބުނެފައިވެއެވެ. އަނިލް ކަޕޫރު ވެސް ސޯނަމަށް ފިރިހެން ދަރިއަކު ލިބުނު ކަމަށް ބުނެ ވަނީ އިންސްޓަގުރާމުގައި ޕޯސްޓެއް ކޮށްފައެވެ.