ސުޕަރސްޓާ ސަލްމާން ޚާންގެ ކުރިއަށް އޮތް ފިލްމަކީ ފެމެލީ ޑްރާމާއެކެވެ. ގިނަ ތަރިންތަކެއް ފެނިގެންދާ މި ފިލްްމުގެ މެއިން ކާސްޓްއަކީ ސަލްމާން އާއި ޕޫޖާ ހޭގްޅޭއެވެ.
މިއަހަރުގެ ޑިސެމްބަރުގައި ރިލީޒްކުރާގޮތަށް ކުރިން ނިންމާފައިވާ "ކަބީ އީދު ކަބީ ދިވާލީ" ގެ ނަން "ބައިޖާން"އަށް ބަދަލުކޮށްފައިވާ ކަމަށް އަޑު އަރާފައި ވަނިކޮށް އޭގެ އަސްލު ނަން ސަލްމާން މިހާރު މިވަނީ އިޢުލާނު ކޮށްފައެވެ.
ސޯޝަލް މީޑިއާގައި ހިއްސާކުރި ޕޯސްޓުގެ ކެޕްޝަނަކަށް ބޭނުންކޮށްފައިވަނީ އޭނާގެ ކުރިއަށް އޮތް ފިލްމު "ކިސީ ކާ ބާއީ ކިސީ ކީ ޖާން"އެވެ. އަދި ފިލްމްގައި އޭނާ ފެނިގެންދާ ގޮތްވެސް ވަނީ ދައްކައިލާފައެވެ. މި ޕޯސްޓް ހިއްސާ ކޮށްފައިވަނީ ސަލްމާން ފިލްމީ ދާއިރާގައި މެދު ނުކެނޑި މަސައްކަތް ކުރަމުން އަންނަތާ 34 އަހަރު ފުރުން ފާހަގަ ކުރުމުގެ ގޮތުންނެވެ.
#KisiKaBhaiKisiKiJaan pic.twitter.com/n5ZPs5lsUc
— Salman Khan (@BeingSalmanKhan) August 26, 2022
ފަރުހާދު ސަމްޖީ ޑައިރެކްޓުކުރާ މި ފިލްމުގައި ސަލްމާން ފެންނީ ދިގު އިސްތަށިގަނޑެއްގައި ތަފާތު ގޮތަކަށެވެ.
ސަލްމާނާއި ޕޫޖާގެ އިތުރުން މި ފިލްމުގައި ހިމެނޭ އިތުރު ތަރިންގެ ތެރޭގައި ޖޭސީ ގިލް، ރާގަވް ޖުޔަލް، ސިދާތު ނިގަމް އަދި ބިގްބޮސް ސީޒަން 13 އިން ވިދާލި ޝެހެނާޒް ގިލްވެސް ހިމެނެއެވެ.
