ސުކޭޝް ޗަންދުރަޝޭކަރު ކިޔާ ނުފޫޒުު ގަދަ މީހަކާ ހާއްސަ ގުޅުމެއް އުފެދި، މަނީ ލޯންޑްރިންގެ މައްސަލަގަނޑެއްގެ ތެރެއަށް ވެއްޓި، އެކަމުގެ ތުހުމަތުގައި ފުލުހުން ސުވާލު ކޮށްފައިވާ ބޮލީވުޑްގެ ބަތަލާ ޖެކޮލިން ފެނާންޑޭޒް ހުރީ ވަރަށް ސާބިތުކަމާ އެކު ކަމަށް އޭނާ ބުނެފިއެވެ.
އެ މައްސަލައިގައި ސުކޭޝްގެ ފަރާތުން އަގުބޮޑެތި ހަދިޔާތަކެއް ވެސް ލިބިފައިވާ ކަމަށް ތުމަތުކޮށް ނުހައްގުން މުއްސަދިކަން ހޯދައިފާ ވާކަމަށް ބުނެ ޖެކޮލިންއާ ވަނި އިންޑިއާގެ އެންފޯސްމަންޓް ޑިރެކްޓޮރޭޓް (އީޑީ) އިން އެތައް ފަހަރެއްގެ މަތިން، ސުވާލު ކޮށްފައެވެ.
މިދިޔަ އަހަރު ހިލުނު މި މައްސަލަ ގަނޑާއި ގުޅިންގެ އޭނާ ހުރީ ގައުމުން ބޭރަށް ނުދެވޭ ގޮތަށް ޕާާސްޕޯޓް ވެސް ހިފަހައްޓާފައެވެ. ނަމަވެސް މިކަމާ ގުޅިގެން އަމިއްލަ ނަފްސަށް އޭނާ ވަނީ ކުރު ނޯޓެއް ލިޔެފައެވެ. އަދި އިންސްޓަގްރާމްގެ ސްޓޯރީގައި ވަނީ އެ ނޯޓު ހިއްސާ ކޮށްފައެވެ.
އޭނާ ބުނެފައިވަނީ ހުރިހާ ކަމެއްވެސް ރަނގަޅުވާނެ ކަމަށާއި ހުވަފެންތައް ހަގީގަތަކަށް ވާނެ ކަމަށެވެ. އަދި އުންމީދު ކުރާ ކަންކަން ހާސިލް ކުރާނެ ކަަމަށްވެސް ބުނެފައިވެއެވެ.
ސުކޭޝްގެ މައްސަލާގައި ޖެކޮލިންގެ އިތުރުން ނޯރާ ފަތޭހީއާ ވެސް ވަނީ ސުވާލުކޮށްފައެވެ. އަދި މީގެ އިތުރުން ޖެކޮލިން އާއި ސުކޭޝްގެ ގައިގޯޅި ފޮޓޯތަކެއްވެސް ވަނީ ލީކުވެފައެވެ.
Was Jacqueline Fernandez dating conman Sukesh Chandrasekhar? New photo reignites controversy https://t.co/nmGCmN79lY pic.twitter.com/AtW7aI9TvY
— Online Dating (@HiiiFren) November 26, 2021
ޖެކޮލިންގެ ކުރިއަށް އޮތް ފިލްމަކީ އަކްޝޭ ކުމާރުގެ "ރާމް ސެތޫ"އެވެ. މީގެ އިތުރުން އޭނާ އާއި ރަންވީރު ސިންގްގެ "ސާކަސް" މިއަހަރު ރިލީޒް ކުރުމަށް އޮތީ ތާވަލް ކޮށްފައެވެ.
