ބޮލީވުޑްގެ އެކްޓަރ ވިކީ ކޯޝަލް ވަނީ "ކޮފީ ވިތު ކަރަން"ގެ އެންމެ ފަހުގެ އެޕިސޯޑުގައި ބައިވެރި ވެފައެވެ. މި އެޕިސޯޑްގައި ބައިވެރިވީ ވިކީއާއި އެކުގައި ސިދާތު މަލްހޮތުރާއެވެ.
މި އެޕިސޯޑަކީ ވެސް އެމީހުންގެ ހަޔާތުގައި މީގެ ކުރިން އަދި މިހާރު ހިނގަމުން އަންނަ ކަންކަމަށް ވަަރަށް ބޮޑަށް އަލިއަޅުވާލައިގެން ކުރިއަށް ގެންގޮސްފައިވާ އެޕިސޯޑެކެވެ.
އެގޮތުން ވިކީއާއި ކެޓްރީނާގެ ކައިވެނީގެ އަދި ރައްޓެހިވެެގެން އުޅުނު އިރުގެ ގިނަ ވާހަކަތަކެއް ވިކީ ވަނީ މި އެޕިސޯޑުގައި ހިއްސާކޮށްފައެވެ.
އެގޮތުން ކެޓްރީނާގެ އެންމެ ކަމު ނުދާ ފިލްމަކީ ކޮބައިތޯ އެހުމުން ވިކީ ބުނެފައިވަނީ އެއީ "ފިތޫރް" ކަމަށެވެ. މި ފިލްމަކީ އަބިޝޭކް ކަޕޫރް ޑައިރެކްޓް ކޮށްފައިވާ ފިލްމެކެވެ.
"ފިތޫރް"ގެ ލީޑުން ފެނިގެންދިޔައީ ކެޓްރީނާ އާއި އަދިއްތިޔާ ރޯއީ ކަޕޫރެއެވެ. ރޮމޭންޓިކް ލޯބީގެ މި ފިލްމަކީ ބޮޑު ފްލޮޕެކެވެ. ފިލްމު ރިލީޒް ކޮށްފައިވަނީ 2016 ވަނަ އަހަރުގެ ޖަނަވަރީ މަހުގެ 18 ވަނަ ދުވަހުއެވެ.
View this post on Instagram
ވިކީގެ ކުރިއަށް އޮތް މަސައްކަތަކީ "ގޯވިންދާ މެރެ ނާމް" އެވެ. އެ ފިލްމުގައި ވިކީ ފެނިގެންދާނީ ކިއާރާ އަދުވާނީ އަދި ބޫމީ ޕެޑްނޭކަރާ އެކުގައެވެ. މީގެ އިތުރުން ވިކީ އަންނަނީ ރީތީގެ ރާނީ އާއެކުގައި ފިލްމެއް ކުޅެމުންނެވެ. އަދި ސާރާ އަލީ ޚާނާ އެކުގައި ވެސް ފިލްމެއް ކުރިއަށް އެބައޮތެވެ.
