ބޮލީވުޑްގެ އެންމެ މަގުބޫލް އެއް އެކްޓަރު އަކްޝޭ ކުމާރުގެ ކުރިއަށް އޮތް ފިލްމް "ރަކްޝާ ބަންދަން" އަކީ ހުރިހާ އުމުރެއްގެ މީހުންނަށް ވެސް ކަމުދާނެ ކަހަލަ ފިލްމްއެއް ކަމަށް ފިލްމް ގެ ޑައިރެކްޓަރު އާނަންދު އެލް ރާއި ބުނެފިއެވެ.
"ރަކްޝާ ބަންދަން" އަކީ ހަތަރު އަންހެން ކޮއްކޮއިންގެ ވާހަކަ ކިޔައިދޭ ވަރަށް ޖަޒުބާތީ ފިލްމަކަށް ވާނެ އެވެ. މި ފެމެލީ ޑްރާމާ އަކީ އަކްޝޭ އާއި ބޫމީ އެކީގައި ކުޅުނު 2017 ގެ ކާމިޔާބު ފިލްމު "ޓޮއިލެޓް: އޭކް ޕްރޭމް ކާތާ" އަށް ފަހު ދެތަރިން އެކުގައި މަސައްކަތް ކުރާ ދެވަނަ ފިލްމެވެ.
View this post on Instagram
މާދަމާ މި ފިލްމް ރިލީޒް ކުރާއިރުގައި ފިލްމް އަށް ކުރެވޭ އުންމީދު ވަރަށް ބޮޑެވެ. އަކްޝޭގެ އެންނެ ފަހުގެ ފިލްމު "ޕްރިތުވީރާޖް" އަށް ބޮޑު ނާކާމިޔާބީއަކާއި ކުރިމަތިލާން ޖެހުމެއެވެ.
މި ފިލްމް އަށް އިތުރުން ކަމަކާއި ވެސް ކުރިމަތި ލާން ޖެއެވެ. އެއީ މި ފިލްމު ރިލީޒް ކުރާ ދުވަހުގައި އާމިރު ޚާންގެ "ލާލް ސިންގް ޗައްޑާ" ވެސް ރިލީޒް ކުރެއެވެ. މިއީ ފިލްމަށް ކުރިމަތިވާނެ ވަރަށް ބޮޑު ޗެލެންޖެކެވެ.
ދެފިލްމަކީ ވެސް ދެ ޖޯންރާއެއްގެ 2 ފިލްމެކެވެ. އެހެން ކަމުން މިގޮތަށް ނެރޭ ފިލްމުތަކަށް ތަރުހީބު ލިބިގެން ދަނީ އުންމީދު ނުކުރާކަހަލަ ގޮތަކަށެވެ. ބޮލީވުޑްގައި މިއަހަރު ރިލީޒްކުރި ގިނަ ފިލްމްތަކުން ފެނުނު މަންޒަރަކީ މިއީއެވެ. މާދަމާ ގަދަ ހިފުމުން މޮޅުވާ ފިލްމްއެއް އެނގިގެންދާނެއެވެ.
