1989 ވަނަ އަހަރު ގެނެސްދިން ކާމިޔާބު ފިލްމް "ތުރީދޭވް" ގެ ރިމޭކެއް ބޮލީވުޑްގެ މަޝްހޫރު އެކްޓަރު ސަލްމާން ޚާން، އެ ފިލްމް ގެ ޑައިރެކްޓަރު ރާޖީވް ރާއީ އާއި ގުޅިގެން ހަދަން އުޅޭކަމަށް ބޮލީވުޑްގެ ޚަބަރުތަށް ގެެނެސްދޭ ނޫސްތަކުން މި ހަފްތާގައި ވަނީ ރިޕޯޓުކޮށްފައެވެ.
ނަމަވެސް "ތުރީދޭވް" ގެ ރިމޭކެއް ހެދުމުގެ ވިސްނުން އަދި ނުގެންގުޅޭކަމަށް ރާޖީވް ވަނީ ބުނެފައެވެ. "ތުރީދޭވް" ގެ ކާސްޓުން ފެނިގެން ދަނީ ސަނީ ޑިއޯލް، ޖެކީ ޝްރޮފް، ނަސީރުއްދީން ޝާހް، މަދޫރީ ޑިކްސިޓް، ސަންގީތާ ބިޖްލާނީ ސޯނަމް، އަނޫޕަމް ކޭރް އަދި އަމްރިޝް ޕޫރީ ހިމެނެއެވެ.
ރަޖީވް ރާއީ ޑައިރެކްޓް ކޮށްފައިވާ މި ފިލްމް ގެ ރިމޭކެއް ހަދަން އުޅޭ ކަމަށާއި މި ރިމޭކް ހަދަނީ މިހާރަށް ފައްތައިގެން ކަމަށް ރިޕޯޓްތަށް ބުނެއެވެ. އަދި މި ފިލްމް ގެ ރޯލަކުން ސަލްމާން ހާން ވެސް ފެނިގެންދާނެ ކަމަށް ވެއެވެ.
ނަމަވެސް ކޮވިޑް-19 ގެ ބަލިމަޑު ކަމުގެ ތެރޭގައި 2020 ވަނަ އހަރުގައި އެކަހަލަ ވާހަކައެއް ސަލްމާން އާއި ދެމީހުން ދެކެވުނު ކަމަށާއި ނަމަވެސް ފަހުން އެކަމުގެ އެއްވެސް އިޝާރާތެއް ނުލިބޭ ކަމަށް ރާޖީވް ވަނީ ބުނެފައިއެވެ. އެހެން ކަމުން މީޑިއާގައި ފެތުރެމުން ދަނީ ސައްހަ ވާހަކަ ތަކެއް ނޫން ކަމަށް ރަޖީވް ވަނީ ބުނެފައިއެވެ.
އަދި "ތްރީދޭވް" ގެ ރިމޭކެއް ފެނުމަކީ ވާނެ ކަމެއް ކަަމަށް ގަބޫލު ނުކުރެވޭ ކަމަށާއި އެއީ ދުވަހަކުވެސް ވާނެ ކަމެއް ނޫންކަމަށް ވަރަށް ބޮޑަށް ގަބޫލު ކުރެވޭ ކަމަށް ވެސް ރަޖީވް ވަނީ ބުނެފައިއެވެ.
18 އަހަރުގެ ދިގު މެދެކެނޑުމަކަށް ފަހު މިހާރު ރަޖީވް އަންނަނީ އަނެއްކައިވެސް ފިލްމް އެއް ހެދުމުގެ މަސައްކަތް ކުރަމުންނެވެ. މިހާރު ތަރިންނާއި އެކުގައި މަސައްކަތް ކުރިއަށްދާ މިފިލްމް އާއި ބެހޭގޮތުން އަދި އެއްވެސް މައުލުމާތެއް ހާމއެއް ނުކުރެއެވެ.
ސަލްމާން މިހާރު އަންނަނީ ޑިސެމްބަރު 30 ގައި ރިލީޒްކުރަން ހަމަޖެހިފައިވާ "ކަބީ އީދު ކަބީ ދިވާލީ" ގެ މަސައްކަތްކުރަމުންނެވެ. ބޮޑު ކާސްޓެއް ހިމެނޭ މި ފިލްމަކީ ފެމެލީ ޑްރާމާއެކެެވެ.
