ކޮރެއާ ޑްރާމާ "ފްލަވާ އޯވާ އިވްލް" އަސްލަކަށް ބަލައިގެން އުފައްދާ ވެބް ސީރީޒް "ދުރަންގާ" ގެ ޓްރެއިލާ ދައްކާލައިފިއެވެ. މި ޑްރާމާ އަކީ ޓީވީ ގެ މަޝްހޫރު ބަތަލާ ދްރަޝްތީ ދާމީ ފެނިގެންދާ ޑްރާމާއެކެވެ.
މި ޑްމާގެ ޓްރެއިލާ ހިއްސާ ދައްކައިލައިފައިވާ އިރުގައި މި ޑްރާމާގައި ދްރަޝްތީ ފެނިގެންދަނީ އިރާ ކިޔާ ފުލުހެއްގެ ގޮތުގައިއެވެ. މަރުގެ މައްސަލަ ތަށް ތަހުގީގު ކުރާ ފުލުހުންގެ އިފޮސަރު ދްރަޝްތީ(އިރާ) ގެ ފިރިމީހާ އަކީ ސީރިއަލް ކިލާއެކެވެ.
ދްރަޝްތީގެ ފިރިމީހާގެ ރޯލުން ފެނިގެންދަނީ ސްމިތް ޕަޓޭލްއެވެ. އަދި އެދެމީހުންނަކީ ވަރަށް ވެސް ހަމަޖެހޭ ދިރިއުޅުމެއް އުޅެމުން ދިއަ ބައެކެވެ. އެމީހުންގެ އަންހެން ދަރިއަކުވެސް ހުރެއެވެ. ފިރިމީހާގެ ދިރިއުޅުމުގެ އަނެއްފަރާތް ފަޅާއަރައި ގިނަ މަރުތަކަކާއި ތަހުގީގު ތަކެއް މި ޑްރާމާގައި ފެނިގެންދާނެއެވެ.
View this post on Instagram
މި ޑްރާމާ ދައްކަން ފަށާނީ މިމަހުގެ 19 ވަނަ ދުވަހުގައި ޒީ-5 އިންނެވެ. ދްރަޝްތީ އާއި ސުމިތް ގެ އިތުރުން މި ޑްރާމާގެ މުހިންމޔ ރޯލުތަކުން ދިވްޔާ ސޭތް އާއި ރާޖޭޝް ކައްޓަރު އަދި ޒާކިރު ހުސައިން ފެނިގެންދާނެއެވެ.
