ބޮލީވުޑް އޭލިސްޓްގެ ތަރިން އޭނާ އާއެކު ފިލްމު ކުޅެން އިންކާރު ކުރިކަމަށް ކުރީގެ ބައެއް ފިލްމުތަކުން ފެނުނު ބަތަލާ މަލިކާ ޝަރާވަތު ބުނެފިއެވެ.
މީގެ އިތުރުން މަލިކާ ބުނީ އޭނާ އާއެކު ފިލްމު ކުޅޭ ބައެއް ތަރިން ގުޅާފައި ދަންވަރު 3 ޖަހާއިރު އެގެއަށް ދިއުމަށް ބުނެ ދައުވަތު ދޭކަމަށެވެ. އަދި އެމީހުން ދައުވަތު ދެނީ އޭނާގެ ކިބައިން އެދުން ފުއްދުމަށް ކަމަށް ގަބޫލު ކުރެވޭ ކަަމަށްވެސް ބުނެފައިވެއެވެ.
"އެކްޓަރުން ގެ އަތުގައ މުޅި ފިލްމްގެ ކޮންޓްރޯލް އޮންނަނީ. ދަންވަރު 3 ޖަހާއިރު ގުޅާފައި ގެއަށް އަންނާށޭ ބުނެފިނަމަ ދެން ނުގޮއްސި ނަމަ އަހަރެން އެ ފިލްމް އަކުން ބޭރުކޮށްލެވޭހާވެސް ވަރުގަދަ އެކްޓަރުން."
– މަލިކާ
ކެރިއަގެ ކުރީކޮޅުގައި މަލިކާ އަކީ މަޝްހޫރު ބަތަލާއެއް ނަމަވެސް ފިލްމު ތަކުގައި އޭނާ ކުޅޭ ބޯލްޑް ރޯލުގެ ސަބަބުން ފަހުން އޭނާ މަޝްހޫރު ވެގެން ދިއައީ އެފަދަ ރޯލުތަކަށެވެ.
View this post on Instagram
އަދި ކުރުއެއްޗެހި ލައިގެން ކެމެރާގެ ކުރިމަތީގައި ހަށިގަނޑު ދައްކައި އަދި ގައިގޯޅި ކަހަލަ ރޯލުތައް ނޫނީ ފަހުން އޭނާއަށް ނުލިބެއެވެ.
މަލިކާ ބޮލީވުޑަށް ނުކުތީ 2003 ވަނަ އަހަރުގެ ފިލްމް "ހުވައިޝް" އިންނެވެ. ފަހުން އޭނާގެ ކެރިއަރު ހަލާކުވެ ކުޅޭނެ ފިލްމެއް ނުލިބުމުގެ ސަބަބުން މިހާރު ދިރިއުޅެނީ ލޮސް އެންޖަލިސްގައެވެ. އޭނާގެ މަގުބޫލު ފިލްމް ތަކުގެ ތެރޭގައި "ޕިޔާރް ކޭ ސައިޑް އިފެކްޓް" "ވެލްކަމް" އަދި "ޑަބަލް ދަމާލް" ހިމެނެއެވެ.
