ބޮލީވުޑްގެ އެންމެ އަގުބޮޑު އަދި އެންމެ މަގުބޫލު އެއް އެކްޓަރު ކަމުގައިވާ އާމިރު ޚާންގެ ފެޝަން ސެންސް ނެތް ކަމަށް ބުނެ ކަރީނާ މަލާމާތް ކޮށްފިއެވެ.
ކަރީނާ އާއި އާމިރު ވަނި އެމީހުންގެ ކުރިއަށް އޮތް ފިލްމު "ލާލް ސިންގް ޗައްޑާ" ޕްރޮމޯޓް ކުރުމަށް ކަރަން ޖޯހަރުގެ "ކޮފީވިތް ކަރަން"ގައި ބައިވެރި ވެފައެވެ.
އާމިރާއި ކަރީނާ އެކުގައި ފެނިގެންދާ މި އެޕިސޯޑުގެ ޓްރެއިލާ ކަރަން ވަނި އޭނާގެ އިންސްޓަގްރާމްގައި ހިއްސާ ކޮށްފައެވެ. އެ ޓްރެއިލާ އިން ފެންނަ ގޮތުގައި އެދެމީހުން ވަނީ ގިނަ ވާހަކަ ތަކެއް ދައްކާފައެވެ.
އެގޮތުން އާމިރުގެ ފެޝަން 10 އަކުން ރޭޓް ކުރާނަމަ ދޭނީ ކިތަކެއްތޯ އެހުމުން ކަރީނާ ބުނީ މައިނަސް ކަމަށެވެ. އާމިރު ވަނީ މިވާހަކަ ތަކަކީ ޖޯކެއްގެ ގޮތުގައި ބަލައި އެކަމާ މަޖާ ކޮށްފައެވެ.
View this post on Instagram
އާމިރާއި ކަރީނާގެ ފިލްމް "ލާލް ސިންގް ޗައްޑާ" މިމަހުގެ 11 ވަނަ ދުވަހުގައި ރިލީޒް ކުރާނެއެވެ. މިހާރު ފިިލްމުގެ ޓްރެއިލާ ވަނީ ދައްކައިލާފައެވެ.
މީގެ ކުރިންވެސް މި ދެތަރިން އެކުގައި ވަނީ ފެނިގެން ގޮސްފައެވެ. އެއީ 2012 ގެ "ތަލާޝް" އާއި 2009ގެ "3 އިޑިއަޓްސް" އެވެ. "3 އިޑިއަޓްސް" އަކީ ބޮކްސް އޮފީހުގައި ބޮޑު ކާމިޔާބެއް ހޯދި ފިލްމެކެވެ.
