ބޮލީވިޑްގެ ތަރިންނަނީ އަގުބޮޑު ލަގްޒަރީ ލައިފެއް އުޅެމުން އަންނަ ބައެކެވެ. އެމީހުނަށް ކަމުދާ ނަމަ ކިތަންމެ އަގުބޮޑު އެއްޗެއްވެސް ބޭނުން ކުރުމަކީ އެއީ ހައިރާން ވާން ޖެހޭ ކަމެއް ނޫނެވެ.
އެގޮތުން އަނައްނިޔާ ޕާންޑޭގެ އަގުބޮޑު ޓޮޕެއްގެ ވާހަކަ އަކީ މިހާރު އެންމެ ގަދައަށް ދެކެވޭ އެއް ވާހަކައެވެ. އޭނާ ވަނީ އަގުބޮޑު ޓޮޕްއެއް ލައިގެން މުމްބާއީގެ ލޯކަލް ޓްރެއިންގައި ދަތުރު ކޮށްފައެވެ.
މިއީ އަނައްނިޔާގެ ކުރިއަށް އޮތް ފިލްމްގެ ޕްރޮމޯޝަނަށް ކުރަމުން އަންނަ މަސައްކަތެވެ. އޭނާގެ ކުރިއަށް އޮތް ފިލްމަކީ "ލައިގާ" އެވެ. މި ފިލްމަކީ ސައުތުގެ މަޝްހޫރު އެކްޓަރު ވިޖޭ ދެވަރަކޮންޑާ ބޮލީވުޑަށް ތައާރަފް ވާ ފިލްމު ވެސް މެއެވެ.
ފިލްމުގެ ޕްރޮމޯޝަން ގައި އޭނާ ވަނީ ލޯކަލް ޓްރެއިން ގައި ވިޖޭއާ އެކުގައި ދަތުރެއް ކޮށްފައެވެ. މި ދަތުރުގައި އޭނާ ލައިގެން ކުރީ ރީދު ކުލައިގެ ކްރޮޕް ޓޮޕެކެވެ. މި ޓޮޕް އަކީ އާދައިގެ މީހަކަށް ގަނެވޭ ވަރަށް ވުރެ އަގުބޮޑު ޓޮޕެކެވެ. ރީދޫ ކުލައިގެ ވަރަށް ސިމްޕަލް މި ޓޮޕް ގެ އަގަކީ 56،999 އިންޑިއަން ރުޕީސްއެވެ.
View this post on Instagram
އާދައިގެ ސިމްޕަލް ކުޑަ ކުޑަ ޓޮޕް އަކަށް މިވަރު ހޭދަކުރުމުން ގިނަ ބަޔަކު އަންނަނީ އަނަންޔާއަށް ފާދު ކިޔަމުންނެވެ. ނަމަވެސް އަނެއްބަޔަކު ބުނެފައިވަނި އެމީހަކަށް އެފޯޑް ކުރެވޭނަމަ ހަމަ ހުރިހާ އެއްޗެއް ވެސް ގަންނަން ވިކަމަށެވެ.
