ރިއާ ކަޕޫރާއި އެކްތާ ކަޕުރު ގުޅިގެން ގެނެސްދިން ފިލްމު "ވީރް ދޭ ވެޑިން" އަކީ ވަރަށް ކާމިޔާބު ފިލްމެކެވެ. މި ފިލްމުގައި ކިޔައިދެނީ އަންހެން 4 ރައްޓެހިންގެ ދިރިއުޅުމުގެ ވާހަކައެވެ.
އެ ފިލްމްގެ ލީޑުން ފެނުނު ހަތަރު ބަލަތާ އިންނަކީ ކަރީނާ ކަޕޫރު އާއި ސްވަރާ ބާސްކަރް، ޝިކާ ތަލްސާނީ ގެ އިތުރުން ރިއާގެ ދައްތަ ބަތަލާ ސޯނަމް ކަޕޫރެވެ.
ކަރީނާ ވަނީ ރިއާގެ ފިލްމަކަށް ސޮއިކުރިކަން ކަށަވަރު ކޮށްދީފައެވެ. މި ފިލްމަކީ ވެސް އަންހެނުންގެ ވާހަކަތަކެއް ކިޔައިދޭ ފިލްމެކެވެ. ނަމަވެސް މިއީ "ވީރް ދޭ ވިޑިން" ގެ ސީކުއަލްއެއް ނޫން ކަމަށް ކަރީނާ ބުނެއެވެ.
View this post on Instagram
ނަމަވެސް ބައެއް ޚަބަރުތަށް ބުނާގޮތުން "ވީރް ދެ ވެޑިންގ" ގެ ސީކުއަލް އެއްވެސް މުސްތަގު ބަލުގައި ފެނިގެން ދާނެއެވެ. ނަމަވެސް އެފިލްމާ މެދުގައި ވިސްނަން ފަށާނީ ވެސް ބެލެވޭ ގޮތުގައި ސޯނަމް ކަޕުރު ވިހެއުމުންނެވެ.
ސޯނަމަކީ އެ ފިލްމްގައި ވަރަށް މުހިންމު ކެރެކްޓާއެއް ކުޅުނު ބަތަލާއެކެވެ. ބަތަލާ އިނީ އަލަތު ދަރިފުޅަށް ބަލިވެއެވެ. މި އަހަރު އޯގަސްޓްގައި އޭނާ ވިހާނެ ކަމަށް ޚަބަރުތަށް ބުނެއެވެ.
View this post on Instagram
ކަރީނާގެ ކުރިއަށް އޮތް ފިލްމަކީ އާމިރް ޚާން އާއި އެކުގައި ފެނިގެންދާ ފިލްމު "ލާލް ސިންގް ޗައްޑާ"އެވެ. މި ފިލްމު ރިލިޒް ކުރުމަށް ތާވަލް ކޮށްފައިވަނީ މިއަހަރުގެ އޯގަސްޓް މަހުގެ 11 ވަނަ ދުވަހަށެވެ.
