އަމިއްލައަށް ކުޅޭ އެއްވެސް ފިލްމެއް ނުބަލާ ކަމަށާއި އަމިއްލައަށް ކުޅޭ ފިލްމުތައް ބަލަން ފޫހި ވެސް ވާކަމަށް ޒުވާން ބަތަލާ ދިޝާ ޕަޓާނީ ބުނެފިއެވެ.

މިމަހުގެ 29 ވަނަ ދުވަހުގައި ރިލީޒް ކުރަމަށް ތައްޔާރުވެފައިވާ ފިލްްމު "އޭކް ވިލަން ރިޓާންސް" ގެ ޕްރޮމޯޝަންއެއް ގައި ވާހަކަ ދައްކަމުން ދިޝާ ބުނީ އޭނާ ކުޅެފައި ހުންނަ ފިލްމުތައް އެއްވެސް ވަރަަކަށް ނުބަލާ ކަމަށެވެ.

ދިޝާ ބޮލީވުޑަށް ތަޢާރަފުވީ ޝުޝާންތު ސިންގް ރާޖްޕުތާއެކު ކުޅުނު ފިލްމު "އެމްއެސް ދޯނީ:ދަ އަންޓޯލްޑް ސްޓޯރީ" އިންނެވެ.

 

View this post on Instagram

 

A post shared by disha patani (paatni) 🦋 (@dishapatani)

ދިޝާ މިހާތަނަށް ކުޅުނު ފިލްމުތަކުގެ ތެރޭގައި ލޯބިވެރިޔާ ޓައިގާ ޝްރޮފް އާއެކު ކުޅުނު  "ބާގީ 2″ އާއި ބޮލީވުޑްގެ ސުޕަސްޓާރ ސަލްމާން ޚާނާއެކު ކުޅުނު "ބާރަތު" އަދި "ރާދޭ" ހިމެނެއެވެ. އަދި  އަދިއްތިޔާ ރޯއީ ކަޕޫރާ އެކު ކުޅުނު ފިލްމު "މަލަންގް" ވެސް ފާހަގަކޮށްލެވެއެވެ.

އޭނަގެ ކުރިއަށް ހުރި ޕްރޮޖެކްޓްތަކުގެ ތެރޭގައި ސިދާތު މަލްހޮތުރާގެ "ޔޯދާ" އާއި ޕްރަބާސް އާއި ދީޕިކާ ޕަދްކޯންގެ "ޕްރޮޖެކްޓް ކޭ" ހިމެނެއެވެ.

 

View this post on Instagram

 

A post shared by disha patani (paatni) 🦋 (@dishapatani)

"އޭކް ވިލަން ރިޓާންސް" ގައި ދިޝާގެ އިތުރުން އަރުޖުން ކަޕޫރާއި، ތާރާ ސުތާރިއާ އަދި ޖޯން އަބްރަހަމް ވެސް ފެނިގެންދިޔައެވެ.