ސައުތުގެ މަގުބޫލު އެކްޓަރު ވިޖޭ ދެވަރަކޮންޑާގެ ފުރަތަމަ ހިންދީ ފިލްމު "ލައިގާ"ގެ ޓްރެއިލާ ލޯންޗް ކުރި ރަސްމިއްޔާތުގައި އޭނާ ފައިވާނަކަށް އަރައިގެން ހުރުމުން އެކަން އާންމުންގެ ސަމަލުކަމަށް އައިސްފިއެވެ.
އެންމެ ފުރަތަމަ މިކަމާ ގުޅޭގޮތުން ވާހަކަ ދައްކާފައިވަނީ އެ އިވެންޓުގައި ބައިވެރިވި އެކްޓަރު ރަންވީރު ސިންގްއެވެ. ވަރަށް ކެޝުއަލްކޮށް މި އިވެންޓުގައި ވިޖޭ ބައިވެރިވި އިރު އޭނާ ހުރީ ފައިވާނަކަށް އަރައިގެނެނެވެ.
އެކަމާ ގުޅިގެން ސަމާސާ ކުރަމުން ރަންވީރު ބުނީ އެފަދަ އިވެންޓެއްގައި ފައިވާނުގައި އައުމުގެ ގަޓް ހުރީ ބޮލީވުޑްގެ ދެ ސްޓާރެއްގައި ކަމަށެވެ. އޭގެ ތެރެއިން އެކަކީ ވިޖޭ ކަމަށް އޭނާ ބުނެފައި ވެއެވެ. ފައިވާނުގައި ސްޓައިލިޝްކޮށް އިވެންޓަށް ދެވޭނީ ވިޖޭ އާއި ޖޯން އަބްރަހަމަށް އެކަނި ކަމަށް އޭނާ ވަނީ ބުނެފައިއެވެ.
View this post on Instagram
މިކަމާ ގުޅިގެން ގިނަބަޔަކު ބުނީ ފައިވާނަކީ ވެސް އިވެންޓްތަކަށް ދިއުމަށް ހަމަ ވަރަށް އެކަށީގެންވާ އެއްޗެއް ކަމަށެވެ. އެއީ ލަދު ގަންނަން ޖެހޭވަރު ކަމެއް ނޫންކަން ވިޖޭ ދައްކައިދީފައި ވާކަމަށް އޭނާގެ ފޭނުން ވަނީ ބުނެފައެވެ. އަދި ވިޖޭ އާއި ފައިވާން ވަރަށް ގުޅޭ ކަމަށާއި އިތުރަށް އޭނާ ސްޓައިލިޝް ކަމަށް ވެސް އެއްބަޔަކު ބުނެފައި ވެއެވެ.
ނަމަވެސް މިކަމާ ދެކޮޅަށް ވާހަކަ ދެއްކި މީހުން ބުނެފައި ވަނީ ގިނަ ލާރި ހުރި ބޮޑެތި ސްޓާރުންނާއި އެކަހަލަ ކަންކަން ނުގުޅޭ ކަމަށެވެ. އަދި އެއްވެސް ވަރަކަށް އެފަދަ އިވެންޓަކާއި ފައިވާން ނުގުޅޭ ކަމަށެވެ.
"ލައިގާ" ގައި ވިޖޭ އާއި އެކުގައި ފެނިގެންދާނީ ޒުވާން ބަަތަލާ އަނަންނިޔާ ޕާންޑޭއެވެ. މި ފިލްމު ރިލީޒް ކުރުމަށް ތާވަލް ކޮށްފައި ވަނީ އަންނަ މަހުގެ 15 އަށެވެ.
