ސައުތު އިންޑިއަން ފިލްމެއެއް ކަމުގައިވާ ޕުޝްޕާ އަކީ 2021 ވަނަ އަހަރުގެ ޑިސެމްބަރު މަހުގައި ރިލީޒްކުރި ވަރަށް ކާމިޔާބު ފިލްމެކެވެ.
ކޯވިޑްގެ ބަލިމަޑުކަމަށްފަހު ސިނަމާތައް ހުޅުވުމާއި އެކުގައި އެޅުވި މި ފިލްމަކީ ބްލޮކްބާސްޓާ ފިލްމްއެކެވެ.
މި ފިލްމް ގެ ކާމިޔާބީއާ އެކުގައި ފިލްމުގެ ދެވަނަ ބައެއްގެ މަސައްކަތް މިހާރު އަންނަނީ ކުރަމުންނެވެ. ފިލްމުގެ ސްކްރިޕްޓް ނިމި ޝޫޓިންގ ވެސް ވަނީ މިހާރު ފަށާފައެވެ.
ފިލްމުގައި ލީޑުން ފެނިގެން ދަނީ ސައުތުގެ މަޝްހޫރު އެކްޓަރު އައްލޫ އަރުޖުން އާއި ރަޝްމިކާ މަންދަނާއެވެ. ފިލްމުގެ ދެވަނަ ބައެއް އުފެއްދުމުގެ މަގުމަތީގައި އޮތް އިރު މިހާރު ވަނީ އޭގެ ތިން ވަނަ ފިލްމެއް ވެސް ނެރޭނަކަން އިއުލާން ކޮށްފައެވެ.
ފިލްމުގެ ޑަިއރެކްޓަރ ސުކުމާރުއާ ހަވަލާދީ ފިލްމްގެ ލީޑުން ފެންނަ އެކްޓަރ ފަހަދު ފައިސަލް ބުނެފައިވާ ގޮތުގައި ފިލްމުގެ ތިން ވަނަ ބައެއް ވެސް ނެރޭނެއެވެ. އަދި ފިލްމްގެ ތިންވަނަ ބައެއް ނެރޭނެހާ މެޓީރިއަލް އެބަހުރި ކަމަށް ސުކުމާރު ބުނެފައިވާ ކަމަށް ފަހަދު ވަނީ ބުނެފައެވެ.
ދެވަނަ ބައިގެ މަސައްކަތް ކުރަމުން އަންނަ އިރު، ފަހަދު ބުނި ގޮތަށް ތިން ވަނަ ބައެއް އުފެއްދުމަކީ މި ފިލްމު އުފައްދާ ފަރާތްތަކުގެ ހިތުގައި އޮތް ކަމެއް ކަމަށް ބެލެވެއެވެ. މީގެ އިތުރުން ބޮކްސް އޮފީހުގައި ފިލްމުގެ ފުރަތަމަ ބައި ހޯދި ކާމިޔާބީގެ ސަބަބުން ފިލްމްގެ ގިނަ ބައިތަކެއް ނެރުމަކީވެސް އެކަށީގެން ވާ ކަމެކެވެ.
