ސެލެބްރިޓީންނާ ވައްތަރު މީހުން ފެނުމަކީ އާންމު ކަމެކެވެ. އެގޮތުން ބޮލީވުޑްގެ ތަރިންނާ ވައްތަރު މީހުންވެސް އަންނަނީ ފެންނަމުންނެވެ.
އެގޮތުން މިފަހަރު ފެނުނީ ބޮލީވުޑްގެ އެންމެ ޑިމާންޑް ބޮޑު އެއް ތަރި ދީޕިކާ ޕަޑުކޯން އާއި ވައްތަރު މީހެކެވެ. ބެލުންތެރިން ހައިރާން ވާހާ ވަރަށް މިމީހާ ދީޕިކާ އާއި ވައްތަރު ކަމަށް ބުނެއެވެ.
2007 ވަނަ އަހަރުގެ ފިލްމް "އޯމް ޝާންތި އޯމް" އިން ބޮލީވުޑަށް ތައާރަފްވި ބަތަލާ އަކީ ގިނަ ބައެއްގެ ލޯބީ ހޯދާފައިވާ ވަރަށް މަގުބޫލް ތަރިކެއެވެ.
ސޯޝަލް މީޑިއާގައި ހަރަކާތްތެރި މީހެއް ކަމުގައިވާ ރިޖުތާ ގޯޝް ނަމަކަށް ކިޔާ މީހާ އާއި ދީޕިކާ ވައްތަރުކަމަށް މީހުން ބުނާއިރު، އޭނާ ދީޕިކާއާ ވައްތަރު ގޮތެއް ހުރެއެވެ. މޫނުގެ ބައްޓަމާއި ލޮލާއި އަންގަ މަތިވެސް ވައްތަރު ގޮތެއް ހުރެއެވެ.
View this post on Instagram
މީގެ ކުރިންވެސް ބޮލީވުޑްގެ ތަރިންނާ ވައްތަރު މީހުން ފެނިގެން ގޮސްފައި އެބަހުއްޓެވެ. އޭގެތެރޭގައި ދާދިފަހުން ވަނީ ސުޝާންތު ސިންގް ރާޖްޕޫތު އާއި ސަލްމާން ޚާން އަދި ޝާހްރުކް ޚާނާ ވައްތަރު މީހުން ވެސް ފެނިގެން ގޮސްފައެވެ.
