ބޮލީވުޑް ސުޕަސްޓަރ އަޖޭ ދޭވްގަން، އޭނާ ޑައިރެކްޓް ކުރާ 4 ވަނަ ފިލްމު އިއުލާންކޮށްފިއެވެ.
އޭނާ އެންމެ ފަހުން އަމިއްލައަށް ޑައިރެކްޓްކޮށް ލީޑް ރޯލް ކުޅެފައިވަނީ މިއަހަރު ނެރުނު ފިލްމު ރަންވޭ 34 ގައެވެ. އަޖޭ މިފަހަރު އިއުލާންކޮށްފައިވާ ފިލްމުގެވެސް ޑައިރެކްޓަރުގެ އިތުރުން ލީޑް އެކްޓަރަކީ އޭނާއެވެ. އަދި އޭނާއާއެކު ފިލްމުން ދެން ފެނިގެންދާނީ އޭނާގެ ގާތް ރަހުމަތްތެރިޔާ ތަބޫ އެވެ.
"ބޯލާ"ގެ ނަން ދީފައިވާ މި ފިލްމަކީ 2019 ވަނަ އަހަރުގެ ކާމިޔާބު، ތަމަޅަ އެކްޝަން ތުރިލާ "ކައިތީ"ގެ ރިމޭކެކެވެ. އެ ފިލްމުގައި ދައްކުވައިދެނީ ޖަލުން މިނިވަންވާ ގައިދީއަކު އޭނާ މިނިވަންވާ ރޭ ސްމަގުލް ގޭންގެއްގެ ކިބައިން ފުލުހުން ސަލާމަތްކުރުމަށް ކުރާ މަސައްކަތެވެ. އެކަން އޭނާ ކުރަނީ ޔަތީމުހާނާއެއްގައި ހުރި އޭނާގެ ދަރިފުޅާ ބައްދަލުކުރުމަށް ބޭނުންވާތީއެވެ. އަދި ފުލުހުން އޭނާއަށް އެކަމުގައި ވާ އެހީތެރިކަނަ ފިލްމުގައި ދައްކުވައިދެއެވެ.
AJAY DEVGN ANNOUNCES 4TH PROJECT AS DIRECTOR: 'BHOLAA'… After receiving immense appreciation for his direction in #Runway34, #AjayDevgn announces his fourth directorial #Bholaa… The high-octane, emotional drama – featuring #AjayDevgn and #Tabu – is currently in production. pic.twitter.com/0LYFRB7LZX
— taran adarsh (@taran_adarsh) July 4, 2022
ފިލްމު "ބޯލާ"ގެ މަސައްކަތް މިހާރު ފަށާފައި ވާއިރު، އަންނަ އޯގަސްޓް މަހުގެ 20 ވަނަ ދުވަހަށް ޝޫޓިންގ ނިންމާލުމަށް ވަނީ ޓާގެޓްކޮށްފައެވެ. ފިލްމު ސިނަމާތަކަށް ގެންނަން މަސައްކަތްކުރަނީ އަންނަ އަހަރު މާރިޗު މަހުއެވެ.
އަޖޭގެ ފުރަތަމަ ޑައިރެކްޝަނަކީ 2008 ގެ ފިލްމު "ޔޫ މީ އޮރް ހަމް" އެވެ. އެއަށްފަހު 2016 ވަނަ އަހަރުގެ ފިލްމު "ޝިވާއީ" އަކީ އަޖޭގެ 2 ވަނަ ޑައިރެކްޝަނެވެ.
