ސެލެބްރިޓީންނަކީ ތަފާތު ސާޖަރީތައް ހަދައިގެން މީހާގެ ސިފައަށް އަބަދުވެސް ބަދަލުތައް ގެންނަ ބައެކެވެ.
އާންމުކޮށް ބޮލީވުޑްގެ ގިނަ ތަރިންނަކީވެސް އެންމެ ކުޑަމިނުން "ލިޕް ފިލިން" ނަމަވެސް ކޮށްނުލައި ހިތްހަމަ ނުޖެހޭ ބައެކެވެ. އަދި އެމީހުންގެ މިންގަނޑުން ގުނާ "ރީތި" މީހަކަށް ވާސިލު ވުމަށް އޮތް އެންމެ ފަސޭހަ އެއްގޮތަކިވެސް ތަފާތު ސާޖަރިތަކެވެ.
އެގޮތުން ބޮލީވުޑްގެ އަރަމުން އަންނަ އެކްޓްރެސް ރާދިކާ އާޕްތޭ ވަނީ އޭނާގެ މޭމަތި ބޮޑު ކުރުމަށް ސާޖަރީ ހެދުމަށް ފިލްމު ޕްރޮޑިއުސަރުން އިރުޝާދު ދީފައިވާކަމަށް ބުނެފިއެވެ.
View this post on Instagram
ރާދިކާ މިހާރު އަންނަނީ އޭނާގެ ކުރިއަށް އޮތް ފިލްމް "ފޮރެންސިކް"ގެ ޕްރޮމޯޝަންތައް ކުރިއަށް ގެންދަމުންނެވެ. މި ފިލްމުގައި އޭނާ ފެނިގެންދާނީ ވިކްރާންތު މަސޭ އާއި އެކުގައެވެ.
ފިލްމުގެ ޕްރޮމޯޝަންގައި ދިން އިންޓަވިއުއެއްގައި ރާދިކާ ބުނެފައިވަނީ އޭނާއަށްވެސް ސާޖަރީ ހެދުމަށް ވަރަށް ޕްރެޝަރު ކުރިކަމަށާއި އެކަމަކު ޕްލާޓިކް ސާޖަރީ އަކީ ނުކުރާނެ ކަމެއް ކަމަށެވެ.
"އަހަރެން ހުންނަން ބޭނުން ވަނީ އަހަރެންގެ ގޮތުގައި. މީ އަހަރެންގެ ސިފަ، ސިފައަށް ބަދަލު ގެންނަން ބޭނުން ނުވޭ. ކިތަންމެ މަސައްކަތް ކުރިއަށް އުމުރެއް ނުހިފެހެއްޓޭނެ. އެއީކީ ވާނެ ކަމެއްނޫން. އުމުރު މައްޗަށް ދާނެ، އަދި އުމުރާއި އެކުގައި އިންސާނާ އަށް ވެސް ބަދަލުތަށް އަންނާނެ. އަހަރެން ބޭނުންވަނީ އުމުރާއި އެކު އަންނަ ބަދަލުތަކާއިއެކު ދިރިއުޅެން."
– ރާދިކާ
ރާދިކާ ބުނީ އޭނާއަށް ކިތަންމެ ޕްރެޝަރެއް ކުރި ނަމަވެސް މިހާތަނަށް އެއްވެސް ކަހަލަ ސާޖަރީއެއް ނުހަދާ ކަމަށާއި އޭނާ އުމުރާއިއެކު އެވާ މުސްކުޅިކަން ތަޖުރިބާ ކުރަން ބޭނުންވާ ކަމަށެވެ.
View this post on Instagram
އަދި ނެގެޓިވް ކަންތައްތަކާއި އެފަދަ ވާހަކަ ތަކާވެސް ދުރުގައި ހުންނަން ބޭނުންވާކަމަށް އޭނާ ވަނީ ބުނެފައެވެ.
ރާދިކާގެ ކުރިއަށް އޮތް ފިލްމް "ފޮރެންސިކް" ޕްރިމިއާ ކުރުމަށް ހަމަޖެހިފައިވަނީ ޒީ-5 އިންނެވެ.
