ޑައިރެކްޓަރު އަނީސް ބާޒްމީ އުފެއްދުމަށް މަސައްކަތް ކުރަމުން އަންނަ ފިލްމު "ނޯ އެންޓްރީ މޭ އެންޓްރީ"ގެ ކާސްޓުގައި ސައުތުގެ މަޝޫހު ޒުވާން ދެ ބަތަލާއިން ކަމުގައިވާ ސަމަންތާ ރުތު ޕުރަބޫ އާއި ރަޝްމިކާ މަންދަނާ ފެނިގެން ދާނެ ކަމަށް ޚަބަރުތައް ބުނެފިއެވެ.
"ނޯ އެންޓްރީ މޭ އެންޓްރީ" އަކީ 2005 ގައި ނެރެނު ކާމިޔާބު ފިލްމެ "ނޯ އެންޓަރީ" ގެ ސީކުއެލް އެކެވެ. މި ފިލްމުގެ މައިގަނޑު ކާސްޓަކީ ސަލްމާން ޚާން، އަނިލް ކަޕޫރުގެ އިތުރުން ފަރްދިން ޚާނެވެ.
އެ ފިލްމުގެ ދެވަނަ ބައެއް ނެރެން އުޅޭއިރުގެ ފިލްމްގެ ކާސްޓުން، ފުރަތަމަ ފިލްމުގެ ލީޑުން ފެނުނު ސަލްމާނާއި އަނިލްގެ އިތުރުން ފަރްދީން ވެސް ފެންނާނެއެވެ. މިއީ އެ ތިން ތަރިންގެ އޮން-ސްކްރީން ރިޔޫނިއަންއެވެ.
ނަމަވެސް ކުރީގެ ފިލްމުގެ އަންހެން ތަރިންގެ ބަދަލުގައި މިފަހަރުގެ ފިލްމުން އިންޑަސްޓްރީގެ ނަން މަޝްހޫރު ޒުވާން ތަރިން ފެންނާނެ ކަމަށް މީގެ ކުރިން ދިން އިންޓަވިއުއެއްގައި ޑައިރެކްޓަރ އަނީސް ވަނީ ބުނެފައެވެ.
އަދި މިހާތަނަށް މި ފިލްމުގެ މުޅި ކާސްޓް އިއުލާން ކޮށްފައި ނުވި ނަމަވެސް ފިލްމުގެ ކާސްޓް އެއްކޮށް ވަރަށް އަވަހަށް އިއުލާން ކުރާނެ ކަމަށް ޚަބަރުތައް ބުނެއެވެ.
"ނޯ އެންޓަރީ" ގައި ފެނިގެން ދިއައީ މި ތިން ފިރިހެން ތަރިންގެ އިތުރުން ލާރާ ދައްތާ، އީޝާ ޑިއޯލް އަދި ސެލީނާ ޖެއިޓްލީއެވެ.
