ކަނޑުމަގުން ރާއްޖެއައި ބޯޓަކުން ގިނަ އަދަދެއްގެ ބަނގުރަލާއި، އެހެނިހެން މަނާތަކެތި ކަސްޓަމްސް އިން އަތުލައިގަނެފިއެވެ.
ކަސްޓަމްސް ވިދާޅުވީ މިމަހުގެ 22 ވަނަ ދުވަހު ބެންކޮކުން ފުރައިގެން ގއ.ކޫއްޑޫއަށް އައި އެމްވީ ޖަޒީރާ ރީފާ ބޯޓުގައި ޤާނޫނާއި ގަވާއިދާއި ޚިލާފް އެއްޗެއް ހުރިކަމަށް ކަސްޓަމްސްގެ އިންޓަލިޖެންސަށް ލިބުނު މައުލޫމާތާއި ގުޅިގެން ފުލުހުންނާއި، އެމްއެންޑީއެފް އާއި ކަސްޓަމާއި، ގުޅިގެން ބޯޓު ބަލާ ފާސް ކުރުމުގެ ތެރޭގައި ޤާނޫނާއި ގަވާއިދާއި ޚިލާފަށް ބޯޓުގައި ހުރި ގިނަ އަދަދެއްގެ ބަނގުރަލާއި އެހެނިހެން މަނާތަކެތި ފެނިފައިވާކަމަށެވެ.
އެތެރެކުރި މަނާތަކެތީގެ މާބޮޑު ތަފްސީލެއް ކަސްޓަމްސް އިން ހާމަ ނުކުރިނަމަވެސް މައުލޫމާތު ލިބިފައިވާ ގޮތުގައި މިތަކެތީގެ ތެރޭގައި ގިނަ އަދަދެއްހެ ފިރިހެން ބޭސްވެސް ގެނައި ކަމުގެ މައުލޫމާތު ވަނީ ލިބިފައެވެ.
މިމައްސަލަ އިތުރަށް ތަހުގީގް ކުރުމަށްޓަކައި ބޯޓުން ފެނިފައިވާ ބަނގުރާވަނީ ފުލުހުންނާއި ހަވާލު ކުރެވިފައިކަމަށް ކަސްޓަމްސް އިން ވިދާޅުވެއެވެ.
މިމައްސަލައާއި ގުޅިގެން ފުލުހުން އަދި ވަކި އެއްޗެއް ހާމަކޮށްފައި ނުވެއެވެ.
