ބޮލީވުޑްގެ މަޝްހޫރު ބަތަލާ ސަނީ ލިއޯން އާއި އެކުގައި ރާއްޖޭގައި ޗުއްޓީ ހޭދަކުރުމުގެ ފުރުސަތެއް ހުޅުވައިލައިފިއެވެ.

މީގައި ބައިވެރިވާން ބުކްކުރަން ޖެހެނީ އިންޑިއާގެ ޓްރެވެލް އޭޖެންސީއެއް ކަމަށްވާ www.asyouplan.com މެދުވެެރިކޮށެވެ. މީގެ ރިސޯޓް ޕާޓްނަރަކީ އަރިއަތޮޅު ހުރުހެޅީގައި ހިންގާ ރެޑިސަން ބްލޫ ރިސޯޓް މޯލްޑިވްސް އެވެ.

މީ އެންމެނަށް ވެސް އޮތް ފުރުސަތެކެވެ. އޭނާއާ އެކު ޗުއްޓީ ހޭދަކޮށްލަން ލިބޭ މި ފުރުސަތު ރާއްޖޭގައި ކުރިއަށް ދާނީ މި އަހަރުގެ ސެޕްޓެމްބަރު މަހުގެ 16-19 އަށެވެ.

"ޓްރެޝަ އައިލޭންޑް ވެކޭޝަން ވިތު ސަނީ ލިއޯނީ މޯލްޑިވްސް" ގެ ނަމުގައި ކުރިއަށް ގެންދަން ނިންމާފައިވާ މި އޮފާގައި:

• ސަނީ ލިއޯނާއެކު ސަންރައިސް ބީޗް ޔޯގާ
• ސަނީލިއޯން ހޯސްޓުކުރާ އަތިރިމަތީގެ ކުޅިވަރުތައް
• ސަނީ ލިއޯނާއެކު ކޮފީ ޑޭޓެއް (ކުޅިވަރުތަކުން މޮޅުވާ މީހުންނަށް)

ފިލްމު "ޖިސްމު 2″ އިން 2012 ގައި ބޮލީވުޑަށް ނުކުތް ސަނީ އަކީ މި ފަހުން ރާއްޖެ އަށް ޗުއްޓީ އަށް އެންމެ ގިނައިން އަންނަ އިންޑިއާގެ ތަރިން ތެރެއިން އެކެކެވެ.