ޕީޕީއެމްގެ ކައުންސިލުން ހުސްވެފައިވާ 12 ގޮޑިއަށް ކުރިމަތި ލެއްވި ބޭފުޅުންގެ ތެރެއިން މިއަދު 12 ބޭފުޅަކު އިންތިޚާބު ކޮށްފައިވާއިރު، ޕީޕިއެމްގެ ހަރަކާތްތަކުގައި އިސްކޮށް ހަރަކާތްތެރިވާ ބައެއް ބޭފުޅުންނަށް ކައުންސިލުން ޖާގަ ކަށަވަރު ކުރުމުގެ ފުރުސަތު ގެއްލިއްޖެއެވެ.

މިގޮތުން ކައުންސިލަށް އިންތިޚާބުވުމަށް 85 މީހަކު ކުރިމަތި ލާފައިވާއިރު، ޕީޕީއެމްގެ ހަރަކާތްތަކުގެ އިސްކޮށް އުޅުއްވާ ބޭފުޅުންގެ ތެެރެއިން ކައުންސިލަށް އިންތިޚާބު ވުމުގެ ފުރުސަތު ގެއްލުނު، ފާހަގަ ކޮށްލެވޭ ބައެއް ބޭފުޅުންގެ ތެރޭގައި މުހައްމަދު ނަޝީދު (ކާނަލް) އާއި، ޝިފާގު މުފީދު (ހިސްޓޯ އާއި)ގެ އިތުރުން، ފާއިތުވެދިޔަ ކޮމަންޑޫ ދާއިރާގެ ބައި އިލެކްޝަންގައި ވާދަކުރެއްވި މޫސާ ފަތުހީ އާދަމްވެސް ހިމެނިވަޑައި ގަންނަވައެވެ.

ރޭ ކުރިއަށް ގެންދިޔަ މި އިންތިޚާބުގައި ކާނަލްއަށް އެންމެ 4 ވޯޓު ލިބުނުއިރު ހިސްޓޯއަށް ލިބިފައިވަނީ 18 ވޯޓެވެ. އަދި ފަތުހީއަށް ލިބުނީ އެންމެ ވޯޓެކެވެ. މި ތިން ބޭފުޅުންގެ އިތުރުން، ޕިޕީއެމްގެ ކައުންސިލަށް ވަނުމުގެ ފުރުސަތު ލިބިގެން ނުދިޔަ ބޭފުޅުންގެ ތެރޭގައި ރައީސް ޔާމިންގެ ޝަރީއަތުގައި ވަކާލާތު ކުރަމުންދާ ގާނޫނީ ޓީމުގައި ހިމެނިވަޑައިގަންނަވާ އާދަމް އާސިފްވެސް ހިމެނިވަަޑައިގަންނަވައެވެ. އޭނާއަށް ލިބިފައިވަނީ 9 ވޯޓެވެ.

މި އިންތިހާބު ކާމިޔާބުކޮށް ކައުންސިލަށް ހޮވިވަޑައިގެންނެވި ބޭފުޅުންގެ ތެރޭގައި ރައީސް ޔާމީންގެ ވެރިކަމުގައި ވަޒީރުންކަން ކުރެއްވި ބޭފުޅުންނާއި، ޒުވާނުންގެ ތެރެއިން އެޕާޓީގެ އިސްސަފުގައި ހަރަކާތްތެރިވާ ބައެއް ޒުވާނުންވެސް ހިމެނެއެވެ.

މިއިންތިޚާބުގައި އެންމެ ގިނައިން ވޯޓު ހޯއްދެވީ ކުރީގެ ހެލްތު މިނިސްޓަރ ނާޒިމްއެވެ. އޭނާ އަށް ވަނީ 43 ވޯޓު ލިބި ވަޑައިގެންފައެވެ. ކުރީގެ މިނިސްޓަރ ތޯރިޤުނ އިންތިޚާބު ވޯ 42 ވޯޓުންނެވެ. ރޭ އެޕާޓީން ވަނީ އަންހެނުންގެ ޚާއްސަ ކުރި 5 ގޮޑިއަށްވެސް ބޭފުޅުން އިންތިޚާބު ކޮށްފައެވެ.