ބޮލިވުޑްގެ މަޝްހޫރު އެކްޓަރ އަޖޭ ދޭވްގަންގެ ކުރިއަށް އޮތް ފިލްމު "ތޭންކް ގޯޑް" މި އަހަރުގެ ދިވާލީގައި ރިލީޒް ކުރުމަށް ނިންމާ އެކަން އިއުލާން ކޮށްފިއެވެ.
މި ފިލްމުން އަޖޭގެ އިތުރުން ސިދާތު މަލްހޮތުރާ އާއި ރަކުލް ޕްރީތު ސިންގ ވެސް ފެނިގެންދާނެއެވެ.
ދިވާލީގައި ރިލީޒް ކުރުމަށް ހުރިހާކަމެއް މިހާރު ނިމިފައިވާ މި ފިލްމު ޑައިރެކްޓް ކޮށްފައިވަނީ އިންދަރު ކުމާރެވެ.
މަސްހުނި އިހުސާސްތަކެއްގެ މައްޗަށް ހަދާފައިވާ މިފިލްމަކީ ޓީ ސީރީޒްގެ އުފެއްދުމެކެވެ.
މީގެ ކުރިން ކޮންމެ އަހަރަކުވެސް އީދު ނުވަތަ ދިވާލީގައި ބޮލީވުޑްގެ ސުޕަސްޓަރ ސަލްމާން ޚާންގެ ފިލްމެއް ރިލިޒް ކުރެއެވެ. ނަމަވެސް ސަލްމާން ވަނީ މިއަހަރު އީދުގައި އޭނާގެ ފިލްމެއް ރިލީޒް ނުކުރާނެ ކަމަށް އިއުލާން ކޮށްފައިއެވެ.
ނަމަވެސް މިހާރުގެ ތާރީހުން އަކްޝޭ ކުމާރުގެ ފިލްމު "ރާމްސެތޫ" އާއި މިފިލްމު ފުށޫއަރާނެއެވެ.
