ދޭތެރެ ދޭތެރެއިން ރުޅިވި ހަބަރު އަޑުއިވެމުން ދިއަ ދެތަރިން ކަމުގައިވާ ޝާމީތާ ޝޭޓީ އާއި ރާގޭޝް ބުޕެޓް އެމީހުންގެ ގުޅުން ރަސްމީކޮށް ނިމިފައިވާކަން ހާމަކޮށްދީފިއެވެ.
"ބިގްބޮސް" ގެ އޯޓީޓީ އިން ދިމާވެ ދެމީހުންގެ މެދުގައި ގާތްކަން އުފެދިގެން ދިއަ މިޖޯޑު ވަކިވިކަމަށް އަޑުއަރައިފައި ވަނިކޮށް މިމަހުގެ 8 ވަނަ ދުވަހުގައި ފާހަގަ ކުރި ޝަމީތާގެ ދައްތަ އެކްޓެރެސް ޝީލްޕާގެ އުފަންދުވަހުގެ މެގަ ޕާޓީއިން ފެނުނީ ޝަމީތާ އެކަންޏެވެ.
މި ދެމީހުން ލޯބީގެ ގޮތުން ގުޅިގެން އުޅޭކަމަށް އަޑުތަށް އެރިއިރު މިދެމީހުން ކުރެ އެކަކުވެސް އެކަމަށް އެބަސްވެފައި އެއް ނުވެއެވެ. ނަމަވެސް ރާގޭޝް ޝަމީތާގެ އާއިލީ ޗުއްޓީ ތަކުންނާއި އެއާއިލާ އާއި އެކުގައި ވަނީ ވަރަށް ގިނައިން ފެނިގެން ގޮސްފައިއެވެ.އ ަދި ދެމީހުން ކައިވެނި ކުރަނ ްއުޅޭ ކަމަށްވެސް އަޑު އެރިނަމަވެސް މި ގުޅުން ކައިވެންޏާއި ހަމަ އަށް ނުގޮސް ވަނީ ކެނޑީފައިއެވެ.
ރާގޭޝް އާއި ޝަމީތާ މި ގުޅުން ނިމުމަކަށް ގެނައީ ދެމީހުންވެސް އެއްބަސްވެގެން ކަމަށް ރިޕޯޓްތަށް ބުނެއެވެ. ދެމީހުން ރުޅިވި އިރު މީގެ ދުވަސް ކޮޅެއް ކުރިން ދެމީހުން އެކުގައިވަނީ ލޯބީގެ ލަވައެއް ވެސް ކުޅެފައިއެވެ.
މިހާރު އުމުރުން 43 އަހަރުވެފައިވާ ޝަމީތާ އަކީ އަދި މިހާތަނަށް ކައިވެންޏެއް ކޮށްފައިވާ ތަރިއެއް ނޫނެވެ. ނަމަވެސް 43 އަހަރުގެ ރާގޭޝް ވަނީ ޓީވީ ތަރި، ރިދީ ޑޯގްރާކައިވެނި ކޮށްފައިއެވެ. ނަމަވެސް މި ގުޅުން 2019 ވަނަ އަހަހރު ނިމުމަކަށް ގެނެސްފައިއެވެ.
