އިދިކޮޅު ޕްރޮގްރެސިވް ކޯލިޝަންގެ ކައުންސިލް މެމްބަރު ކަމުގެ ހުސްވެފައިވާ 17 މަޤާމަށް 114 ކެނޑިޑޭޓަކު ކުރިމަތި ލާފައިވާކަމަށް ޕީޕީއެމްގެ ރައީސް ޔާމީން ވިދާޅުވެއްޖެއެވެ.
މިރޭ ޕީޕީއެމްގެ އޮފީހުގައި ބޭއްވި ޖަލްސާގައި ވާހަކަ ދައްކަވަމުން ރައީސް ޔާމީން ވިދާޅުވީ ޕީޕީއެމް ކައުންސިލަށް އިތުރުކުރި 12 މެމްބަރުންގެ މަޤާމަށް 86 މީހުން ކުިރމަތިލާފައިވާކަމަށެވެ. އަދި ކަނބަލުންނަށް ޚާއްސަކޮށްފައިވާ 5 ގޮޑިއަށް 28 ކަނބަލުން ކުރިމަތިލާފައިވާކަމަށެވެ. ރައީސް ޔާމީން ވިދާޅުވީ މިއީ ޕީޕީއެމްގެ މަޤާމުތަކަށް އާންމު މެމްބަރުންގެ ޝައުގުވެރިކަން އޮތް މިންވަރު ހާމަވާ ކަމެއްކަމަށެވެ.
ނަމަވެސް އެމަނިކުފާނު ވިދާޅުވީ މިއިންތިޚާބަށްފަހު ޕާޓީއާއި އެއްވެސް ބޭފުޅަކު ދުރުވެ ހިތްބުރަ ކުރުމަކީ އެއްގޮތަކަށްވެސް އެދިވަޑައިގަންނަވާ ގޮތެއް ނޫންކަމަށެވެ. އެމަނިކުފާނު ވަނީ މިއިންތިޚާބުގައި ވާދަ ކުރައްވާ ހުރިހާ ކެނޑިޑޭޓުންވެސް ކޮންމެ ގޮތަކަށް ިއންތިޚާބު ނިމުނަސް ޕާޓީއާއިއެކު ތިއްބެވުމަށް އިލްތިމާސް ކުރައްވާފައެވެ.
17 ގޮޑިއަށް ކިތަންމެ އިންސާފުވެރިކޮށް ކުރިޔަސް، 17 މީހުން ހޮވޭނީ. ވަރަށް އެކުވެރިކަމާއިއެކު އުޅެ ޕްރައިމަރީން ބަލިވީމާ ޕާޓީ ދޫކޮށްލާ. މިކަން މިއިންތިޚާބުން ވެގެން ނުވާނެ. މިފަހަރުގެ އިންތިޚާބުގައި އެހެން ވިޔަ ދީގެން ނުވާނެ. އެކަން ވިޔަ ނުދެއްވުމަށް އަޅުގަނޑު އިލްތިމާސް ކުރަން.
– ރައީސް ޔާމީން ވިދާޅުވިއެވެ.
މިމަޤާމުތަކަށް ކުރިމަތިލެވޭނީ މިމަހުގެ 4 ވަނަ ދުވަހާއި ހަމައަށް ޕީޕީއެމްގެ މެމްބަރެއްގެ ގޮތުގައި ރަޖިސްޓްރީ ވެފައިވާ މެމްބަރުނަނަށް ކަމަށް އެޕާޓީން ވަނީ ބުނެފައެވެ.
