ގިނަ ރީތި ފިލްމު ތަކެއް ކުޅެފައިވާ ބޮލީވުޑްގެ ކުރީގެ ރީތި ބަތަލާ އުރްމިލާ މަތޯޑްކަރްއަށް ޑާންސް ޝޯއެއްގެ ޖަޖެއްގެ ގޮތުގައި މަސައްކަތް ކުރުމުގެ ފުރުސަތު ލިބިއްޖެއެވެ.
ކުރީގެ ގިނަ ތަރިން ޓީވީ އިންޑަސްޓްރީ އަންނަނީ ފަތަހަ ކުރަމުންނެވެ. އެގޮތުން ތަފާތު ޝޯތަކުގެ ޖަޖުންގެ ގޮތުގައި ކުރީގެ ތަރިން އަންނަނީ ފެންނަމުންނެވެ.
ޒީޓީވީން ގެނެސްދޭން ތައްޔާރުވަމުން އަންނަ "ޑާންސް އިންޑިއާ ޑާންސް (ޑީއައިޑީ) ސުޕަރ މަމްސް" ގެ އާ ސީޒަނުގެ ޖަޖެއްގެ ގޮތުގައި އުރްމީލާ ފެނިގެންދާނެއެވެ. އަދި ހަމަ އެހެންމެ ޖަޖުންގެ ޕެނަލުން މަޝްހޫރު ކޮރެއޮގްރާފަރ ރެމޯ ޑިސޫޒާ ވެސް ފެނިގެން ދާނެއެވެ.
މި ޝޯގެ އޮޑިޝަންތައް މިހާރު ކުރިއަށް ދާއިރު މިއީ މި ޝޯގެ ތިންވަނަ ސީޒަނެވެ. މިޝޯ ޕްރިމީއާ ކުރާނީ އަންނަ މަހުގެ ދެވަނަ ދުވަހުއެވެ.
View this post on Instagram
އުރްމީލާ އަކީ އެކްޓިން އާއެކުއެކީ ނެށުމުގައިވެސް ކުޅަދާނާ ބަތަލާއެވެ. އޭނާގެ މަގުބޫލު ލަވަ ތަކުގެ ތެރޭގައި "ރަންގީލާ"ގެ ލަވަތަކާއި ފިލްމު "މަސްތު" ގެ ލަވަތަކާއި ފިލްމު "ޕިޔާރު ތޫނޭ ކިޔާ ކިޔާ" ގެ ލަވަ "ކަމްބަކްތު އިޝްގް" ފަދަ ލަވަތައް ފާހަގަ ކޮށްލެވެއެވެ.
