މިއަހަރުގެ އައިފާ އެވޯޑު ޔޫއޭއީގެ އަބޫ ދާބީގެ ޔާސް އައިލެންޑްގައި ބާއްވައިފިއެވެ.
މިހަފްލާގައި މުޅި ބޮލީވުޑްހެން ވަނީ ބައިވެރި ވެފައިއެވެ. ގިނަ އަދަދެއްގެ ތަރިން ބައިވެރި ވި ހަފްލާގައި ކޮވިޑްގެ ސަބަބުން ނުދެވުން އިންޑިއާގައި ތާށިވެފައިވެސް ބައެއް ތަރިންނަށް ތިބެން ޖެހުނެވެ.
މި އެވޯޑް ހަފްލާގައި އެވޯޑް ގެންދިއަ ތަރިންނަށް ލިބުނު ސަމާލުކަމަށް ވުރެ އަބީޝެކްގެ އައިލީ ނެށުމަށް ލިބުން ސަމާލުކަން ވަނީ ބޮޑުވެފައިއެވެ.
ސްޓޭޖުން ފައިބައިގެން އައިޝްވާރިޔާ އާއި އަރާދިޔާ އިށީނދެ ތިބި ގޮނޑި ކައިރިއަށް ގޮސް އަބީޝެކް ނަށަން ފެށުމުން އައިޝްވާރިޔާވެސް ވަނީ ގޮނޑީގައި އިނދެގެން ނަށާފައިއެވެ.
މި މީހުން ނަށާ ވީޑީއޯ ކޮޅެއް އައިފާއިން ވަނީ އިންސްޓްގަރާމްގައިވެސް ހިއްސާކޮށްފައިއެވެ. "ތަޑަޓް ތަޓަޑް" ލަވައަށް ވަރަށް ފޯރިއާއެކު މި އާއިލާ އިން ވަނީ ނަށާފައެވެ.
މި ލަވައަކީ ދީޕިކާ ޕަދުކޯން އާއި ރަންވިރު ސިންގްގެ މަޝްހުރު ފިލްމް "ރާމް ލީލާ"ގެ ލަވައެކެވެ.
View this post on Instagram
އަބީޝެކް އާއި އައިޝްވާރިޔާއަކީ ބޮލިވުޑްގެ އެންމެ މަގުބޫލު އެއް ކަޕުލްއެވެ. އެމީހުން ކައިވެނި ކޮށްފައިވަނީ 2007 ވަނަ އަހަރުއެވެ. އަދި އެމީހުންނަށް ވަނި އަންހެން ކުއްޖަކު ލިބިފައެވެ.
މިހާރުވެސް ބޮޑު މަގުބޫލު ކަމެއް ލިބޭ އާރަދިއާ އުފަންވީ 2011 ވަނަ އަހަރުއެވެ.
