ޕީޕީއެމުން ވަކި ޤައުމެއްގެ ފަހަތުން އަޅައިގަނެގެން އުޅޭ އުޅުން ހުއްޓާލަން ޖެހޭކަމަށް ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އިކްރާމް ހަސަން ވިދާޅުވެއްޖެއެވެ.
ޒުވާނުންގެ ބައިވެރިވުމާއެކު އިދިކޮކޮޅުގެ މެނިފެސްޓޯ އެކުލަވާލުމުގެ މަސައްކަތް ފަށާފައިވާކަމަށް އިދިކޮޅު ލީޑަރު އަދި ޕީޕީއެމްގެ ރައީސް ޔާމީން ވިދާޅުވެ ދެއްކެވި ވާހަކަތަކަށް އިޝާރާތް ކުރައްވައި އިކުރާމް ވިދާޅުވީ ޒުވާނުންނަށް ހެޔޮ އެދޭނަމަ ދޮގު ހެދުމާއި އޮޅުވާލުން ޖެހޭކަމަށެވެ. އަދި ބޭރުގެ ޤައުމެއްގެ ފަހަތުން ނެއްޓެން ނޭގިގެން އެޅޭ އުޅުން ދޫކޮށްލާފަ ބިނާކުރަނިވި މަސައްކަތެއް ކުރަންޖެހޭކަމަށް އިކްރާމް ވިދާޅުވިއެވެ.
ޕީޕީއެމް ޒުވާނުންނަށް ހެޔޮ އެދޭ ނަމަ ދޮގު ހެދުމާއި އޮޅުވާލުން ހުއްޓާލާފަ، ބޭރު ޤައުމެއް ފަހަތުން ނައްޓާނުލެވިގެން އުޅޭ އުޅުން ދޫކޮށްލާފަ ބިނާކުރަނިވި ސިޔާސީ މަސައްކަތެއް ކުރަން ފަށަންޖެހޭ.
– އިކްރާމް ވިދާޅުވިއެވެ.
ޕީޕީއެމް ޕީއެންސީން ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ރީތި ނަންކިޔައިގެން ކޮންމެ ބަޔަކަށްވެސް މެނިފެސްޓޯ އެކުލަވާލެވިދާނެކަމަށެވެ. ނަމަވެސް އިޚްލާސްތެރިކަން އޮތީ ކޮންބައެއްގެތޯ ބަލަންޖެހޭކަމަށްވެސް ރައީސް ޔާމީން ވިދާޅުވިއެވެ. ރައީސް ޔާމީން ވިދާޅުވީ އެޕާޓީގެ އއެޕާޓިގެ މެނިފެސްޓޯ އެކުލަވާލުމުގެ މަސައްކަތް ފަށާފައިވާކަމަށް، އެ މަސައްކަތްކުރަނީ ޒުވާނުންގެ ކަންބޮޑުތަކަށް ހައްލު ހޯދައިދެވޭގޮތަށްކަމަށެވެ. އެގޮތުން އެޕާޓީން މިހާރު މަސައްކަތްކުރަނީ ޒުވާނުންގެ ހުރި މައްސަލަތައް ދެނެގަތުމަށްޓަކައިކަމަށާއި، ތައްޔާރުކުރަނީ ޒުވާނުންގެ މެނިފެސްޓޯއެއްކަމަށެވެ.
އެމަނިކުފާނުގެ ވާހަކަފުޅުގައި ސަރުކާރު ހިންގ ާޕާޓީއަށް ނުސީދާކޮށް އިޝާރާތްކުރައްވާ ވަނީ ނޫ އިގްތިސާދު ނިމިގެންދިޔައީ ކަޅު އިގްތިސާދަށް ބަދަލުވާކަމަށް ވިދާލުވެ ފާޑުވިދާލޫވެފައެވެ. ނޫ އިޤްތިޞާދަކީ މ ިސަރުކާރު އައުމަށް ހެދި މެނިފެސްޓޯގެ މުހިންމު ބައެކެވެ. ރައީސް ޔާމީން ވިދާޅުވީ އެކަހަލަ ވަރަށް ރީތި ނަންނަން އެމްޑީޕީން ކިޔާނެކަމަށާއި، ނަމަވެސް އެއިން އެއްވެސް ބަޔަކު ތައްޔާރުކުރާ މެނިފެސްޓޯއަކީ އ އިން ޔ އަށް ރާއްޖޭގެ ވެއްޓަށް ފެތޭ ސަގާފަތާ ތިމާގެ ދީނާ ގުޅުންހުރި، ދީނަށް ހިމާޔަތް ދޭކަހަލަ މެނިފެސްޓޯއެއް ނޫންކަމަށެވެ.
One Response
ބުޑިސްޓް އަދި ގެރި ކަލާނގެ އަށް އަޅުކަން ކުރާ ހައްދު ފަހަނަ އަޅާފަ ތިބި އިންޑިޔާ ބީޖޭޕީ ކާފަރުންގެ ފަސްބައިގަ އެޅިގެން ޢުޅެނީ އެމް. ޑީ.ޕީ ކޯލިޝަން ސަރުކާރުން ނަމަ ދިވެހިން އެކަމާ ނިހާޔަތަށް ކަންބޮޑުވެ ރުޅި އެބައާދެވޭ! ﷲގެ ކޯފާޔަށް ބިރުވެތިވެ، ކާފަރުންނަކީ އެކުވެރިން ކަމަށް ބަޅައިގަތުން، ސަރުކާރުން ހުއްޓާލައި އިންޑިއާ މިޅިޓްރީ ދިވެހިރާއްޖެ އަޅުވެތި ކޮށްގެން ތިބި ތިބުން ހުއްޓުވުމަށް ފާޅުގަ އިޢުލާން ކުރެއްވުމަކީ ކޯލިޝަން އެންމެނަށް އެންމެ ހެޔޮ ގޮތް. ޢިނޝާﷲ.