ގދ.ގައްދޫގައި އެމްޑީޕީގައި އެންމެ ވަރުގަދަ ދުވަސްވީ އެކްޓިވިސްޓުން އިދިކޮޅު ޕީޕީއެމްއާއި ގުޅިއްޖެއެވެ. ޕީޕީއެމް އިން ބުނީ ގައްދޫއިން ގިނަ ޢަދަދެއްގެ ބަޔަކު އެޕާޓީއާއި ގުޅިފައިވާކަމަށެވެ.
ފަހަކަށް އައިސް އިދިކޮޅު ޕީޕީއެމްއާއި ގިނަ ޢަދަދެއްގެ ބަޔަލު އަންނަނީ ގުޅެމުންނެވެ. އޭގެ ތެރޭގައި ސަރުކާރު ހިންގާ މައި ޕާޓީ އެމްޑީޕީގެ އިސް އެކްޓިވިސްޓުންވެސް އަންނަނީ އިދިކޮޅާއި ގުޅެމުންނެވެ. މީގެ އިތުރުން 18 އަހަރު ފުރޭ ޒުވާނުންވެސް އަންނަނީ ގުޅެމުންނެވެ. މިގޮތުން ރޭވެސް ގިނަ ޢަދަދެއްގެ ބަޔަކު މާލެއިންވެސް ވަނީ ޕީޕީއެމްއާއި ގުޅިފައެވެ. މުޅިން އަލަށް ސިޔާސީ ޕާޓީއަކާއި ގުޅުމަށްޓަކައި ޕީޕީއެމްއަށް ސޮއިކުރި ޒުވާނުންވެސް ހިމެނެއެވެ. މީގެ އިތުރުން އެމްއެންޕީއާއި، އެހެން ސިޔާސީ ޕާޓީތަކަށް ނިސްބަތްވާ ޒުވާނުންތަކެއްވެސް ވަނީ މިރޭ ޕީޕީއެމްއާއި ގުޅިފައެވެ.
Gdh Gadhoo in mirey MDP ge gina memberun thakeh PPM aa gulhijje. #MavesPPM pic.twitter.com/LaULyQRgFe
— Progressive Party of Maldives (@ProgressPartyMV) June 2, 2022
ޒުވާނުންގެ އިތުރުން އާންމު ގިނަ މެމްބަރުންތަކެއްގެ ފޯމުތަކެއްވެސް މިރޭ ވަނީ ރައީސް ޔަމީނާއި ހަވާލުކޮށްފައެވެ. މިފަހަކަށް އައިސް ޕީޕީއެމްއިން ބާއްވާ ގިނަ ޖަލްސާތަކުގައި އެޕާޓީއާއި ގިނަ އަދަދެއްގެ ޒުވާނުން ދަނީ ގުޅެމުންނެވެ.
ރައީސް ޔާމީން ވަނީ މިރޭގެ ޖަލްސާގައި ދިވެހި ޒުވާނުންނަށް އެމަނިކުފާނު ގެންގުޅުއްވާ ތަސައްވަރާއި، އަދި މިހާތަނަށް ޒުވާނުންނަށް ހޯއްދަވައި ދެއްވި ކުރިއެރުމުގެ ވާހަކަ ދައްކަވާފައެވެ. ނަމަވެސް މިއަދު މިސަރުކާރުން ދިވެހި ޒުވާނުން އެކަހެރިކޮށް، ޒުވާނުންނަށް ވެފައިވާ ވައުދުތައް ބޮލާލާ ޖަހާފައިވާކަމީ ދިވެހި ޒުވާނުން އެކަމުގެ ޖަވާބު ދޭނެކަމަށް ރައީސް ޔާމީން ވަނީ ވިދާޅުވެފައެވެ.
