އިލެކްޝަންސް ކޮމިޝަނާއި އިންޑިއާއާއި ދެމެދު އެއްވެސް ގުޅުމެއް އޮތްތޯ ސާފުކުރުމަށް އިދިކޮޅު ޕްރޮގްރެސިވް ކޮންގްރެސް ކޯލިޝަނުން ހުށައަޅައިފިއެވެ.
އިދިކޮޅުން ވަނީ މަޢުލޫމާތު ހޯދައި ލިބިގަތުމުގެ ޤާނޫނުގެ ދަށުން، މައިގަނޑު 6 މަޢުލޫމާތެއް ހޯދުމަށް އިލެކްޝަންސް ކޮމިޝަންގައި އެދިފައެވެ. އޭގެ ތެރޭގައި:
1- އިލެކްޝަންސް ކޮމިޝަންގެ މަސައްކަތްތަކާއި ގުޅޭގޮތުން އިންޑިއާގެ އެއްވެސް ފަރާތަކާއިއެކު، އެއްވެސް ކަހަލަ މަޝްވަރާތަކެއް ކުރެވިފައިވާނަމަ ނުވަތަ ކުރެވެމުންދާނަމަ، އެކަމުގެ މަޢުލޫމާތު.
2- އިލެކްޝަންސް ކޮމިޝަންގެ މަސައްކަތްތަކާއި ގުޅޭ ގޮތުން އިންޑިއާގެ އެއްވެސް ފަރާތަކާއެކު އެއްވެސް ކަހަލަ އެއްބަސްވުމެއް (ރަސްމީ ނުވަތަ ނުރަސްމީ) ހެދިފައިވާ ނަމަ އެ އެއްބަސް ވުންތައް.
3- އިލެކްޝަންސް ކޮމިޝަނާއި އިންޑިއާގެ އެއްވެސް ފަރާތަކާއެކު އެއްވެސް ކަހަލަ އެއްޔ އެއް ހެދިފައިވާނަމަ އެއްގެ ކޮޕީ. ނުވަތަ އެފަދަ އެމްއޯރޫއެއް ހެދުމަށް ތައްޔާރުވާ ނަމަ އެކަމާ ގުޅުން ހުރި މައުލޫމާތުތައް.
4- އިލެކްޝަންސް ކޮމިޝަންގެ މުވައްޒަފުން ތަމްރީނު ކުރުމަށް ނުވަތަ ތަޖުރިބާ ހޯދުމަށް އިންޑިއާއަށް ފއވފައިވާނަމަ، ނުވަތަ ފޮނުއްވަން ގަސްތުކުރައްވާނަމަ، ނުވަތަ ފޮނުއްވުމަށް މަސްވަރާ ކުރެވެމުންދާ ނަމަ އެކަމުގެ މަޢުލޫމާތު. ހަމައެގޮތަށް އިންޑިއާގެ ވަފުދުތައް ރާއްޖޭގެ އިލެކްޝަންސް ކޮމިޝަންގެ މަސައްކަތްތަކުގައި އެއްވެސް ހައިސިއްޔތަކުން މަސައްކަތް ކުރާނަމަ، ނުވަތަ މަސައްކަތް ކުރުމަށް ނިންމާފައިވާނަމަ އެކަމުގެ މަޢުލޫމާތު
5- އިލެކްޝަންސް ކޮމިޝަންގެ އިދާރީ އަދި ފަންނީ މަސައްކަތްތަކުގައި ނުވަތަ ވޯޓު ނެގުމުގެ މަސައްކަތުގައި އިންޑިއާއިން ހަދިޔާކޮށްފައިވާ އެއްވެސް ވަސީލަތެއް ނުވަތަ އލތެއް ބޭނުންކުރާނަމަ އެ މަޢުލޫމާތު.
6- މީގެ އިތުރުން މަތީގައިވާ 4 ނުކުތްގައި ބަޔާންކޮށްފައިވާ ކަންކަން ކުރުމަށް އިލެކްޝަންސް ކޮމިޝަނުން ނިންމި ބައްދަލުވުންތަކުގެ ޔައުމިއްޔާތައް.
މި މަޢުލޫމާތު ހޯދުމަށް ހުށައަޅާފައިވާއިރު، އިދިކޮޅުން އަންނަނީ ރާއްޖޭގެ ދާޚިލީ ކަންކަމަށް އިންޑިއާއިން ނުފޫޒް ފޯރުވަމުން އަންނަކަމަށް ތުހުމަތުކުރައްވަމުންނެވެ. އަދި 2018ގެ ރިޔާސީ އިންތިޚާބަށްވެސް އިންޑިއާއިން ނުފޫޒް ފޯރުވާފައިވާކަމުގެ ތުހުމަތުކޮށްފައިވެއެވެ. ނަމަވެސް ސަރުކާރާ އިލެކްޝަންސް ކޮމިޝަނުން ވަނީ އެކަންކަން ދޮގުކޮށްފައެވެ.
މީގެ އިތުރުން އިދިކޮޅު ފަރާތްތަކުން ވަނީ އިލެކްޝަންސް ކޮމިޝަނަށް ޒިޔާރަތްކުރައްވާ އެ ކޮމިޝަންގެ ރައީސް ފުއާދު ތައުގީގާވެސް ބައްދަލުކުރައްވާފައެވެ. މި ބައްދަލުވުމަކީ ސިޔާސީ ޕާޓީތަކަށް މީހުން ވެއްދުމަށް ސައްޙަ ނޫން ފޯމް ހުށައަޅާ މައްސަލާގައި ބޭއްވި ބައްދަލުވުމެކެވެ. ޞައްޙަ ނޫން ފޯމް ހުށައަޅާމައްސަލާގައި އީސީން ވަނީ އޭޕްރީލް މަހުގެ 1އިން ފެށިގެން ހުށައަޅާފައިވާ ޞައްޙަ ނޫން ފޯމްތަކުގެ މައްސަލާގައި ސިޔާސީ ޕާޓީތަކާއި އެ ޕާޓީއެއްގެ ރަޖިސްޓްރާ ޖޫރިމަނާކުރުމަށް ނިންމާފައެވެ.
ނަމަވެސް އިދިކޮޅުން ވަނީ މިދިޔަ އަހަރުން ފެށިގެން ޕީޕީއެމްގެ ދަފްތަރުގައި ތިބި މީހުން ނޭގި އެހެން ޕާޓީތަކަށް ވައްދާކަމަށް ތުހުމަތުކޮށް އެކަމުގެ ކަންބޮޑުވުން ފާޅުކުރަމުންނެވެ. އަދި އޮޅުވާލައިގެން މީހުން ޕާޓީއަށް ވައްދާކަމުގެ މައްސަލަތަކެއް ދާދިފަހުން ވަނީ ފެންމަތިވެފައެވެ.
