ކުވައިތުގެ ބޮޑުބަޔަކަށް ވެލީގެ ތުފާން އައިސް، މުޅި ޖައްވު ހިރަފުހުން ފޮރުވުމާއި ގުޅިގެން އެގައުމުގެ ހުރިހާ ފްލައިޓްތަކެއް ހޯމަދުވަހު ކެންސަލްކޮށް، އަދި އާންމު ތަންތަނުގައި ބޭއްވުމަށް ހަޖައްސާފައިވާ ހުރިހާ އިވެންޓްތަކެއްވެސް ކެންސަލް ކޮށްފިއެވެ.
ކުވައިތު ވެގެން މިދިޔައީ އަރަބި ގައުމުތަކަށް އަންނަމުންދާ ވެލީގެ ތޫފާންތަކުގެ ތެރެއިން އެއްމެ ފަހުން ވެލީގެ ތޫފާން އައިސްފައިވާ ގައުމު ކަމުގައެވެ. މީގެ ކުރިން އިރާގާއި އަދި ޔޫއޭއީއަށްވެސް ވަނީ ވެލީގެ ތޫފާން އައިސްފައެވެ.
މިއީ، ކުވައިތަށް އައި ވެލީގެ ތޫފާންތަކުގެ ސަބަބުން ކުވައިތު އިންޓަރނޭޝަނަލް އެއަރޕޯޓުގެ އޮޕަރޭޝަންތައް މިމަހު ހުއްޓުމަކަށް ގެންނަން ޖެހުނު ދެވަނަ ފަހަރެވެ. އެއަރޕޯޓުގެ އޮޕަރޭޝަންތައް ހުއްޓުމަކަށް ގެންނަން ޖެހުނީ ވެލީގެ ތޫފާންތަކުގައި އައި ހިރަފުހުގެ ސަބަބުން ކުވައިތުގެ ބޮޑުބައެއްގައި ދުރަށް ފެންނަ މިންވަރު ސުމަކަށް އައުމާއި ގުޅޮގެންނެވެ.
މިއަދު ކުވައިތަށް އައި ވެލީގެ ތުފާންގެ އެގައުމުގެ ޖައްވުގެ ބޮޑުވައެއް އޮރޭންޖު ކުލައަށް ބަދަލުވެގެން ދިއުމާއި ގުޅިގެން، ކުވައިތުގެ ގިނަ އާންމު ރައްޔިތުންވަނީ، ކުލަ ބަދަލުވެފައިވާ ޖައްވުގެ ފޮޓޯތައް ނަގާ ސޯޝަލް މީޑިއާގައި ޝާއިއު ކޮށްފައެވެ.
Kuwait sandstorm May 2022. Trying to get home to safety. pic.twitter.com/GazceEX9Vq
— Kayle-Ann Lee Chee (@kayleannleechee) May 24, 2022
