މާލޭ އަލިކިލޭގެފާނުމަގުގައި ހުރި ގެއެއްގެ 6 ވަނަ ފަންގިފިލާގައި ރޯވި އަލިފާން އެމްއެންޑީއެފްގެ ފަޔަރ އެންޑް ރެސްކިޔު ސަރވިސް އިން ނިންވާލައިފިއެވެ.
މި ހާދިސާގައި އަލިފާން ރޯވެފައި ވަނީ އަލިކިލޭގެފާނުމަގުގައި ހުރި "ޒަމާނީ ގުލްޝަން" ނަމަކަށް ކިޔާ ގެއެއްގެ 6 ވަނަ ފަންގިފިލާގައި ކަމަށް އެމްއެންޑީއެފުން ބުނެއެވެ.
އަލިފާންގަނޑު ނިއްވާލެވުނީ މިރޭ 20:39 ހާއިރު ކަމަށާއި، މި ހާދިސާގެ ރިޕޯޓް ލިބިފައި ވަނީ މިރޭ 20:21 ހާއިރު ކަމަށް އެމްއެންޑީއެފުން ބުނެއެވެ.
ހާދިސާގައި އެއްވެސް މީހަކަށް އަނިޔާއެއް ލިބިފައި ނުވިނަމަވެސް ގޭގައި ގެންގުޅޭ ބައެއް ސާމާނަށް ގެއްލުންލިބިފައި ވާކަމަށް އެމްއެންޑީއެފުން ބުނެއެވެ.
