ސޮއިލް ޚާނާއި ސީމާ ސަޗްދޭ ވަރިވުމަށް ކޯޓަށް ގޮސްއުޅެނިކޮށް ނަގާފައިވާ ވީޑިއޯ އާއި ފޮޓޯތަކެއް ވަނީ ވައިރަލް ވެފައެވެ.
ޚަބަރުތައް ބުނާގޮތުގައި ދެމީހުން ދެގެއެއްގައި އުޅޭތާ ދުވަސް ތަކަކަށް ފަހު ވަރިވުމަށް ނިންމައި ކޯޓަށް މައްސަލަ ވަނީ ހުށަހަޅާފައެވެ.
ސީމާ ޚާން ވަނީ އެމީހުންގެ ގުޅުން މިހާރު އެއްކޮށް ނިމިފައިވާކަން އިންސްޓަގްރާމުން ވެސް ސާބިތު ކޮށްދީފައެވެ. އެގޮތުން އޭނާ އިންސްޓަގްރާމްގައި މީގެ ކުރިން ބޭނުން ކުރަމުންދިއަ ނަން، ސީމާ ޚާން އިން ޚާން އުނިކުރުމަށްފަހު މިހާރު ވަނީ ސިމާ ކިރަން ސަޗްދޭއަށް ބަދަލު ކޮށްފައެވެ.
ސަލްމާން ޚާންގެ ކޮއްކޮ ސޮހެއިލްގެ ކައިވެނި ރޫޅަލުމުގެ ކަންކަން ކުރިއަށް ދާއިރު 2017 ވަނަ އަހަރުވެސް ވަނީ އާއިލާއިން ކައިވެންޏެއް ރޫޅާލާފައެވެ. އެއީ އަރްބާޒް ޚާނާއި މަލައިކާ އަރޯރާގެ ކައިވެންޏެވެ.
އެއްބަނޑު އެއްބަފާ ދެމީހުންގެ ކައިވެނި ރޫޅާލި އިރު ސަލްމާން އަދިވެސް ހުރީ ކައިވެންޏެއް ނުކޮށެވެ. ދެން އެ އާއިލާގައި ތިބެނީ ދެ އަންހެން ކުދިންނެވެ.
