އިންތިޚާބު ނިމުނީކަމަށާއި، ދެން އެންމެ އެކީގައި މަސައްކަތްކަތް ކުރަންވީ 2023 ކާމިޔާބުކުރުމަށްކަމަށް އެމްޑީޕީ އަންހެނުންގެ ރޫހުގެ ރައީސްގެ އިންތިޚާބު ކާމިޔާބުކުރެއްވި އައްޑޫ މީދޫ ދާއިރާގެ މެންބަރު ރޮޒައިނާ އާދަމް ވިދާޅުވެއްޖެއެވެ.
އިއްޔެ ބޭއްވި އެމްޑީޕީގެ އެތެރޭގެ އިންތިޚާބުގައި އަންހެނުންގެ ރޫހުގެ ރައީސްކަމަށް ރޮޒައިނާއާއި ވާދަކުރެއްވީ ސަފާތު އަޙްމަދެވެ. އިންތިޚާބު ކާމިޔާބު ކުރެވުމާއި ގުޅިގެން ރޮޒައިނާ ވަނީ އެމްޑީޮީގެ މެންބަރުން އެޕާޓި ހިންގާލަން ބޭނުންވާކަން ވަރަށް ސާފުކަމަށް ވިދާޅުވެ ވޯޓު ދެއްވި ހުރިހާ މެންބަރުންނަށް ޝުކުރު އަދާކުރައްވާފައެވެ.
ރޮޒައިނާ ވިދާޅުވީ، އިންތިޚަބު ނިމުނީކަމަށާއި، ދެން އޮތީ އެންމެން އެކުވެރިކަމާއެކު 2023 ކާމިޔާބުކުރުމަށް މަސައްކަތްކުރުންކަމަށެވެ.
އަޅުގަނޑު ބޭނުންވަނީ އެކަކުވެސް ބާކީނުކޮށް އެންމެން އެކީ މި ޕާޓީގެ އަންހެނުންގެ ރޫހު ގަދަޔަށް ހިންގާލަން.
– ރޮޒައިނާ އާދަމް
Vote lumuge mi democratic harakaathuga baiverivee hurihaa enmennah ves shukuriyya.
Inthihaab nimunee. Dhen othee enmen ekuverikama eku 2023 kaamiyaabu kurumah masakkaiy kurun. Alhugandu beynunvanee ekakuves baakee nukoh, enmen ekee mi party ge AR gadhayah hingaalaan!— ???????? ???????????????????????????? ???????????????? ???? (@Roxeyna) May 14, 2022
ނަތީޖާތަކުން ދައްކާގޮތުން ރޮޒައިނާ މި އިންތިޚާބު ކާމިޔާބުކޮށްފައިވަނީ 65 އިންސައްތަ ވޯޓުންނެވެ. ޞަފާތަށް ލިބިވަޑައިގަތީ 35% ވޯޓެވެ.
އަންހެނުންގެ ރޫހުގެ ރައީސްކަމަށް ރޮޒައިނާ ވާދަކުރައްވާ ކެމްޕެއިން ކުރެއްވީ ޗެއަރޕާސަންގެ އިންތިޚާބު ކާމިޔާބުކުރެއްވި ފައްޔާޟް އިސްމާޢީލާ އެކުއެވެ. އެގޮތުން ރޮޒައިނާ އަދި ފައްޔާޟް ވަނީ ރާއްޖޭގެ މީހުން ދިރިއުޅޭ ހުރިހާ ރަށަކަށް ވަޑައިގެން ސަޕޯޓަރުންނާއި ބައްދަލުކުރައްވާ އިންތިޚާބު ވެއްޖެނަމަ ގެންގުޅުއްވާނެ ސިޔާސަތުތައް ހާމަކުރައްވާފައެވެ.
އެމްޑީޕީގެ އަންހެނުންގެ ރޫހަކީ އެމްޑީޕީގެ ސިޔާސީ ހުރިހާ ހަރަކާތެއްގައި އަދި ކަންކަން ނިންމާ ފެންވަރުގައި އެޕާޓީގެ އަންހެން މެމްބަރުންގެ ބައިވެރިވުމާ ހިއްސާ އިތުރުކޮށް، އަންހެން މެމްބަރުންގެ އަޑު އުފުލުމަށް ހެދިފައިވާ ޕާޓީގެ އެންމެ ވަރުގަދަ އެއް ގުނަވަނެވެ.
އަންހެނުންގެ ރޫހުގެ މައިގަނޑު މަސައްކަތްތަކަކީ އަންހެނުންގެ ރޫހުގެ ތަސައްވަރަށް ވާސިލުވުމުގައި ޕާޓީއަށް އަންހެން މެމްބަރުން އިތުރުކޮށް ޕާޓީގެ ހަރަކާތްތަކުގައި އަންހެނުންގެ ދައުރު ފުޅާކޮށް ސިޔާސީ، އިޖްތިމާއީ އަދި އިގްތިސާދީ ކަންކަމާމެދު ހޭލުންތެރިކޮށް، ޕާޓީގެ ނިންމުންތައް ނިންމުމުގައި ބައިވެރިވެ، އިންތިޚާބީ މަގާމުތަކަށާއި ގައުމީ އިންތިޚާބީ މަގާމުތަކަށް ޕާޓީގެ ފަރާތުން އަންހެނުން އިންތިޚާބުކުރުމަށް މަސައްކަތްކުރުމެވެ.
