ކައިވެނިކުރި ފަހުން އެކްޓަރ ވަރުން ދަވަންގެ އުޅުމަށް ވަރަށް ބޮޑު ބަދަލެއް އައިސްފައިވާ ކަމަށް އޭނާއާއެކީ 2 ފިލްމެއްގައި މަސައްކަތްކޮށްފައިވާ އެކްޓްރެސް ކްރިތީ ސެނޮން ބުނެފިއެވެ.

"ދިލްވާލޭ" އާއި "ކަލަންކް"ގައި މިދެމީހުން ވަނީ އެކުގައި މަސައްކަތް ކޮށްފައެވެ. ނަމަވެސް މި ދެ ފިލްމަކީވެސް މާބޮޑު ތަރުހީބެއް ލިބުން 2 ފިލްމެއް ނޫނެވެ.

ނަމަވެސް ވަރުން އާއި ކްރިތީ އަކީ ގާތް ދެ ރަހުމަތްތެރިންނަށް ވަނީ ވެގެން ގޮސްފައެވެ.  އެގޮތުން އެ ދެމީހުން އެކުގައި 3 ވަނަ ފިލްމެއްގެ މަސައްކަތް ވެސް ވަނީ ކޮށްފައެވެ. "ބޭޅިޔާ" ނަމަކަށް ކިޔާ އެ ފިލްމްއަކީ މިހާރު ޝޫޓިންގ ނިމި ޕޯސްޓް ޕްރޮޑަކްޝަން ގައި އޮތް ފިލްމެކެވެ. މި ފިލްމު ރިލީޒް ކުރުމަށް ތާވަލު ކޮށްފައިވަނީ މިއަހަރުގެ ނޮވެމްބަރު 25 އަށެވެ.

 

View this post on Instagram

 

A post shared by Kriti (@kritisanon)

މީޑިއާއާ ވާހަކަދައްކަމުން، ވަރުން އާ ގުޅޭގޮތުން ކުރި ސުވާލަކަށް ޖަވާބުދެމުން ކްރިތީ ބުނީ ވަރުން ކައިވެނި ކުރިފަހުން މިޒާޖަށް އައި ބަދަލަކީ މިހާރު މާ ވިސްނުންތެރިވުން ކަމަށެވެ. އަދި ކުރިން ހުންނަ ކުޑަކުދިންގެ ގޮތް ނުހުންނަ ކަމަށް ކްރިތީ ބުންޏެވެ. އެެހެހެން ކަމުން ވަރުންއަށް އައި ބަދަލަކީ ރަނގަޅު ބަދަލެއް ކަމަށާއި ނަމަވެސް އޭނާ ވަނީ ވަަރަށް ބޮޑަށް ބަދަލު ވެފައި ކަމަށް ކްރިތީ ބުންޏެވެ.

ކްރިތީ ބުނީ ވަރުން އާއި ނަތާޝާވެސް، އެދެމީހުންގެ ޕްރޮފެޝަނަލް އަދި އަމިއްލަ ދިރިއުޅުމުގައި އާ ހަރުފަތަކަށް ދަތުރުކޮށްފައިވާ ކަމެށެވެ.

 

View this post on Instagram

 

A post shared by VarunDhawan (@varundvn)

ވަރުން ދަވަން، އޭނާގެ ޒަމާންވީ ލޯބިވެރިޔާ ނަތާޝާ ދަލާލް އާ ކައިވެނި ކޮށްފައިވަނީ 2021 ވަނަ އަހަރުގެ ޖަނަވަރީ 21 ވަނަ ދުވަހުއެވެ.