ޕްރިމިއާ ލީގުގައި 1-2 ގެ ނަތީޖާއަކުން އާސެނަލް އިން ލީޑްސް ޔުނައިޓެޑްގެ މައްޗަށް ކުރިހޯދައިފިއެވެ.
އަމިއްލަ ދަނޑުގައި އާސެނަލުން ލީޑްސް ބަލިކުރި މެޗުގައި ޖެހި ދެ ގޯލު ވެސް ކާމިޔާބުކުރީ މެޗުގެ ފުރަތަމަ 10 މިނިޓް ތެރޭގައެވެ. އެ ގޮތުން އާސެނަލްގެ ދެ ގޯލު ވެސް ޖެހީ ކުރިން ލީޑްސް އަށް ލޯން އެއްބަސްވުމެއްގެ ދަށުން ކުޅުނު އެޑީ އެންކެޓިއޭއެވެ.
ފަހަކަށް އައިސް ރަނގަޅު ފޯމެއްގައި ހުރި އެންކެޓިއޭ އާސެނަލަށް ލީޑުނަގައިދިން ގޯލު މެޗުގެ ފަސް ވަނަ މިނިޓްގައި ޖެހީ ލީޑްސްގެ ކީޕަރު އިލާން މެލިއޭ ހެދި ގޯހެއްގެ ފައިދާނަަގައިގެންނެވެ. އަދި މެޗުގެ 10 ވަނަ މިނިޓްގައި ގަބްރިއެލް މާޓިނެލީ ނެގި ހުރަހަކުން އެންކެޓިއޭ ދެ ވަނަ ގޯލު ޖެހިއެވެ.
މި މެޗުގައި ލީޑްސްގެ ފަރާތުން ފެނިގެންދިޔަ ހަމައެކަނި ލަނޑު 66 ވަނަ މިނެޓުގައި އެޓީމަށް ކާމިޔާބުކޮށްދިނީ ޑިއެގޯ ލޮރެންޓޯއެވެ. މިއަށްފަހު އިތުރު ހިތްވަރު ލައިގެން ލީޑްސްއިން ވަނީ ނަތީޖާ ހަމަހަމަ ކުރަން ގިނަ މަސައްކަތް ކޮށްފައެވެ.
މި ނަތީޖާއާއެކު އާސެނަލް އޮތީ ކުޅުނު 35 މެޗުން ލިބުނު 66 ޕޮއިންޓާއެކު ޕޮއިންޓް ތާވަލުގެ ހަތަރު ވަނައިގައެވެ. މެޗުން ބަލިވި ލީޑްސް އޮތީ ކުޅުނު 35 މެޗުން ލިބުނު 34 ޕޮއިންޓާއެކު ޕޮއިންޓް ތާވަލުގެ 18 ވަނައިގައެވެ.
